addresiya
Kigali
startimes

Imfura ya Apotre Masasu ’Deborah’ yasezeranye na Thacien kubana nk’umugore n’umugabo mu muhango yanatunguwemo akifurizwa isabukuru y’amavuko[AMAFOTO]

Ubuzima   Yanditswe na: Martin Munezero 7 September 2019 Yasuwe: 14411

Imfura ya Apôtre Masasu Ndagijimana uyobora Evangelical Restoration Church ku Isi, Deborah Masasu, yasezeranye kubana akaramata imbere y’Imana na Musafiri Thacien, kuri uyu wa Gatandatu, tariki ya 7 Nzeri 2019.



Imiryango yabo bombi yari yabukereye itewe ishema n’uyu mukobwa n’umusore barushinze.

Yaba uwari uyoboye ibi birori mu rusengero rwa Evangelical Restoration Church ruherereye i Masoro, uwigishije ijambo ry’Imana n’abantu hagati yabo mu rusengero bahurizaga ku ‘kuba aba bombi bataranyuze mu idirishya ahubwo banyuze mu irembo bagaherekezwa n’imiryango yabo’ ku mugaragaro.

Deborah Masasu n’umukunzi we basezeranyijwe na se w’uyu mukobwa Apôtre Masasu Ndagijimana anabarambikaho ibiganza ngo mu rugo rwabo bazahorane amahoro, ituze n’amata ku ruhimbi.

Umuhango wo kubasezeranya uhumuje, uyu mukobwa yatunguwe ahita yifurizwa isabukuru nziza y’amavuko cyane ko yahuriranye n’ubukwe bwe, we n’umugabo we bishimana mu mbyino.

Abitabiriye bahise bahabwa umutsima n’ibyo kunywa bidasembuye ubundi bahabwa indi gahunda yo gukomereza mu birori byo kwishimana n’inshuti n’abavandimwe b’uyu mukobwa.

Nyuma abitabiriye bahise bajya kwiyakirira mu Intare Conference Arena i Rusororo.

Ubukwe bwa Deborah Masasu bwitabiriwe kandi n’abiganjemo abo bakorana umurimo w’ivugabutumwa mu itorero rya se Evangelical Restoration.



Mu bazwi babutashye harimo abahanzi Gabby Kamanzi na Patient Bizimana; uyu byanigeze guhwihwiswa ko bagiranye ibihe byiza by’urukundo.

Musafiri wasezeranye n’uyu mukobwa asanzwe akora akazi k’Ubuvuzi bw’amenyo.

Deborah Masasu yakoze ubukwe nyuma y’uko ku wa 25 Kanama 2019, urungano rwamukoreye ibirori byo kumusezeraho bizwi nka “Bridal Shower” byanitabiriwe na nyina, Pasiteri Lydia Masasu.



Urukundo rwe na Musafiri rwagizwe ubwiru, ntirwakunze kuvugwa cyane mu itangazamakuru kugeza ubwo muri Kamena Musafiri Thacien yateraga ivi akambika impeta Deborah Masasu amusaba ko bazabana akaramata undi na we akabimwemerera atazuyaje. Hari nyuma y’aho uyu mugabo yerekanwa mu itorero tariki ya 19 Gicurasi 2019.

Uyu mukobwa uba muri Leta Zunze Ubumwe za Amerika yamenyekanye cyane nk’uwatangije itsinda riramya rikanahimbaza Imana mu mbyino rya Shining Stars.

REBA AMAFOTO:
















Inkuru n’amafoto@IGIHE

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umukinnyi ukomeye muri Uganda yatereye ivi mu kibuga asaba umukunzi we...

Umukinnyi uzwi cyane muri Uganda no muri aka karere witwa Paul Mucureezi...
28 February 2020 Yasuwe: 6557 0

Kigali: Umusore w’ imyaka 52 agiye gushyingiranwa n’ umukobwa w’ imyaka...

Umukobwa witwa Mukandekezi Rachel w’imyaka 50 wari umaze igihe ategereje...
20 February 2020 Yasuwe: 12707 3

Umukobwa wa nyiri ikipe ya Chelsea yatangaje ko yifuza umukunzi kuri St...

Umukobwa witwa Sofia w’imyaka 25 usanzwe ari uw’umuherwe waguze ikipe ya...
14 February 2020 Yasuwe: 12422 0

Michelle Obama yavuze ikintu gikomeye yigiye mu myaka 27 amaze abana...

Umufasha wa Barack Obama wabaye perezida wa 44 wa USA witwa Michelle yavuze...
10 February 2020 Yasuwe: 12642 4

Malia Obama amaze iminsi abana n’umusore bakundana mu nzu bonyine...

Umukobwa w’imfura w’uwahoze ari perezida wa US, Barack Obama witwa Malia...
9 January 2020 Yasuwe: 25708 2

Zambia: Umuherwe yakoresheje icyapa kirimo ubutumwa bwo gusaba umukunzi we...

Hirya no hino ku isi abantu bagenda bakora udushya mu gusaba abakunzi babo...
4 January 2020 Yasuwe: 8346 1