Ibyo abasore bari kugenderaho bashaka abakobwa barongora

Ubuzima   Yanditswe na: Martin Munezero 4 November 2018 Yasuwe: 3384

Gushaka umugore muzabana mugahuza,ni ihuririzo ku basore kimwe no ku bakobwa , kandi koko ni byo kuko n’Abanyarwanda baravuga ngo "Ukurusha umugore aba akurusha urugo".



Muri iyi minsi usanga hari abasore babaye ingaramakirambi, atari uko babikunze ahubwo ari ukwibaza ko ‘aho kugira urugo rubi wakomeza kuba ingaragu.

Abanyarwanda bo babuze uko bagereranya kuba mu buzima bw’urugo rubi maze bavuga ko ‘rurutwa na gereza.’

Urubuga elcrema rwagaragaje bimwe mu byo abasore usanga bahurizaho mu kurambagiza umukobwa ushobora kuvamo umugore muzima.

1. Umugore udahorana inzitwazo

Abasore aho bava bakagera usanga mu kurambagiza, badakunda umukobwa uhorana inzitwazo, uhora aniha mbese buri munsi ukumva avuga ibitagenda gusa.

2. Umukobwa udashingira ku mitungo y’umusore

Nta musore ukunda umukobwa umukundira ko hari imitungo runaka afite kuko aba atekereza ko ishize yamureka, ahubwo wa wundi umukunda uko ari atabitewe n’ibyo amubonana.

3. Umuntu wo kwizerwa

Umusore wese aba ashaka umukobwa wo kwizerwa, haba mu budahemuka ndetse no mu mico isanzwe abandi na bo bakaba bamwizera.

4. Umukobwa wubaha

Kubahwa, kwitabwaho no gushimirwa abagabo barabikunda.
Iyo rero umusore arimo kurambagiza areba neza ndetse akita ku mukobwa uzamwubaha akamwereka ko atandukanye n’abandi bagabo.
Kumurutisha abandi, umugabo aba areba neza umukobwa uzamurutisha abandi bose n’igihe bazaba baramaze kubana.

5. Umukobwa usobanutse

Umukobwa usobanutse mu kurimba, mu buhanga ndetse no mu mpano zitandukanye abasore bamwibandaho.

Iyo umusore arebye kuri ibi ngibi aba agira ngo ahantu hose umugore we azajya azabe ahesha umugabo we ishema haba ku mubiri no mu mutwe, mbese azi kwisobanura.

6.Umuterankunga

Iki ni ikindi kintu cy’ingenzi umusore arebaho, akareba niba umukobwa arambagiza azamushyigikira mu bitoya n’ibinini aho kumubera uracantege.
Kuba umukobwa agushyigikira mu bintu runaka bigaragaza ko afite akamaro mu buzima bwawe.

7.Umukobwa mwiza

Aha iyo bavuze umukobwa mwiza, ntabwo ari mu buranga gusa , ahubwo no mu mico,akaba ari umunyangeso nziza mu buzima bwe bwa buri munsi.Uko asa inyuma bikajyana n’imico afite.

8. Umugore mwiza n’umubyeyi mwiza

Mu kurambagiza, umusore areba niba uzavamo umugore ukuzuza inshingano ariko ukavamo n’umubyeyi mwiza, mu kurera no kwita ku muryango.

9.Umujyanama

Umusore ushaka kubaka bya nyabyo areba niba umukobwa arimo kurambagiza azamubera umujyanama mwiza akamushyigikira mu migambi myiza kandi akamuhana mu gihe yateshutse inshingano.

10.Ubaho ubuzima bworoshye kandi udasamara

Nta mugabo wifuza kugira urugo rumeze nk’aho ari mu gace k’imirwano, niyo mpamvu mu kurambagiza umusore areba niba umugore azoroshya ubuzima , ibintu ntibihore byacitse.

Urutonde rw’ibyo umusore cyangwa inkumi barebaho mu kurambagizanya ni byinshi ariko buri wese yakora urwe, bitewe n’icyo ashyize imbere mu rushako rwe.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble NYANDWI Antoine

    ntagitekerezo mfite gusa nagirango mbashimire kurizi nama muduha kandi murakoze.

    November 2018

Inzindi nkuru

Rafael Nadal n’umukunzi we baciye ibintu kubera amwe mu mafoto y’ubukwe bwabo...

Icyamamare mu mukino wa Tennis,Rafael Nadal,n’umukunzi we Maria Francisca...
21 October 2019 Yasuwe: 6545 2

Producer Jay P umaze imyaka myinshi akorera abahanzi indirimbo...

Umuhanga mu gutunganya indirimbo z’abahanzi mu buryo bw’amajwi,Jean Paul...
20 October 2019 Yasuwe: 3154 0

Rafael Nadal n’umukunzi we bamaze imyaka 14 bakundana barakorera ubukwe...

Icyamamare mu mukino wa Tennis, Rafael Nadal,ukundwa na benshi kubera...
19 October 2019 Yasuwe: 2462 0

Perezida wa Rayon Sports yateye imitoma umufasha we ku isabukuru y’imyaka 15...

Perezida wa Rayon Sports,Munyakazi Sadate,yageneye ubutumwa bukomeye...
15 October 2019 Yasuwe: 8287 4

Myugariro Usengimana Faustin agiye kurushinga n’umukunzi we Danniella bamaze...

Myugariro usengimana Faustin wamenyekanye mu makipe akomeye hano mu Rwanda...
10 October 2019 Yasuwe: 7333 1

Umukobwa yaciye ibintu ku isi nyuma yo kwemera gushyingiranwa n’umusaza...

Umukobwa witwa Rachael Roberts w’imyaka 33, ukomoka ahitwa Anna Bay muri New...
8 October 2019 Yasuwe: 4632 5