Umugabo yaciye ibintu nyuma yo kugaragara ari hejuru y’ibaba ry’indege yari igiye gufata ikirere
Yanditswe: Monday 22, Jul 2019
Abashinzwe iby’indege mu gihugu cya Nigeria bari gukora iperereza k’uburyo umugabo utamenyekanye yashoboye kurira ku baba ry’indege yarigiye gufata ikirere.
Ibyo byabereye ku kibuga cy’indege cya Murtala Muhammed mu mujyi wa Lagos kuwa gatanu.
Video yafashwe n’umwe mu bagenzi wari muri iyo ndege yerekana abandi bagenzi bagize ubwoba basaba gusubiea hasi mu gihe uwo mugabo yarimo agendagenda ku mababa y’iyo ndege ya kompanyi Azman Air.
Umupilote yahise abimenyesha abashinzwe umutekano bahita bafata uwo mugabo, nk’uko byavuzwe mu ibaruwa yanditswe n’umuvugizi w’ibibuga by’indege muri Nigeria, Henriatta Yakubu.
Madamu Yakubu yavuze ko kugeza ubu iperereza rigikomeje.
Iyo ndege yari igiye mu mujyi wa Port Hacourt yahavuye ihawe uruhushya rwo kuguruka imaze kugenzurwa cyane.
Leave a Reply
Your email address will not be published. Required fields are marked *