Umugore w’imyaka 27 yahuye n’uruva gusenya ubwo yarimo yifatira aga selfie k’urwibutso hejuru y’imanga ndende yitwa Diamond Bay iherereye mu mujyi wa Sydney,ayihanukaho arapfa.

Sponsored Ad

Uyu mugore utatangajwe amazina warimo yifatira selfie hejuru y’imanga ya metero zirenga 9 kuri uyu wa Gatandatu taliki ya 17 Kanama 2019,yanyereye yikubita mu mazi yari munsi yayo abatabazi basanga yapfuye.

Aha hantu uyu mugore yapfiriye harazwi cyane kuko hitegeye inyanja ndetse abantu benshi bakunze kuhatemberera bakahifotoreza.

Abantu bari kumwe n’uyu mugore bavuze ko yahanutse kuri iyi manga ubwo yari ahuze ari kwifotora mu ma saa tanu z’amanywa.

Hahise hoherezwa ubutabazi burimo n’indege ya kajugujugu kugira ngo harebwe niba uyu mugora yatabarwa ariko amazi yari yarenze inkombe.

Polisi zazanye indege n’imodoka mu gutabara uyu mugore basanga yapfuye