addresiya
startimes

Covid-19:Imfashanyo Bobi Wine yatanze ku batishoboye yashimwe na Perezida Museveni

Amakuru   Yanditswe na: Martin Munezero 9 April 2020 Yasuwe: 3785

Imfashanyo yatanzwe na Robert Kyagulanyi uzwi nka Bobi Wine utavuga rumwe n’ubutegetsi, mu rwego rwo gufasha Abanya-Uganda bababaye kuticwa n’inzara mu gihe cyo kutava mu rugo hirindwa Coronavirus yashimwe na Perezida Yoweri Kaguta Museveni.



Museveni yagaragaje ko yishimiye inkunga yatanzwe n’agatsiko ka People Power kayobowe na Kyagulanyi, ubwo yatungurwaga no kukabona ku rutonde rw’abagiraneza bagobotse Abagande.

Amakuru avuga ko Bobi Wine n’agatsiko ke bitanze imifuka 50 ya kawunga yo gufasha abagizweho ingaruka n’ingamba zashyizweho gukumira Coronavirus.

Ubwo yagezaga ijambo ku Banya-Uganda mu ijoro ryakeye ababwira amakuru ya Corona uko yifashe mu gihugu, Perezida Museveni yagaragaje ko yishimiye inkunga ya Bobi Wine mu magambo make ashoboka.

Yagize ati: “ Noneho People Power yifatanyije n’abaturage.”

Si kenshi mu kanwa ka Museveni haturuka ijambo rivuga neza Bobi Wine wiyemeje kumuhirika ku butegetsi, ari na yo mpamvu ijambo rya Museveni rishima inkunga ya Bobi Wine ryatumye bamwe mu bategetsi bakomeye bari hamwe na Museveni bamwenyura.

Perezida Museveni kandi yihanganishije bamwe mu Banya-Politiki bo muri Uganda baha imfashanyo abakene ariko banyuranyije n’amabwiriza Leta yashyizeho, ategeka ko uzajya abifatirwamo ajya atabwa muri yombi.

Yavuze kandi ko uzajya afatirwa muri biriya bikorwa azajya ashinjwa icyaha cy’ubwicanyi kandi ntiyemererwe kugira ingwate atanga ngo abe yafungurwa. Museveni avuga kuri iyi ngingo yagize ati:

Nongeye kumva abanyapolitiki bagerageza kwishora mu gusaranganya ibiryo. Polisi igomba gufata abo bantu ikabashinja icyaha cyo gushaka kwica kuko ni uguhungabanya amategeko yihutirwa y’ubuzima. Barimo guhungabanya ubuzima bw’Abagande.

Yavuze ko umuntu wese wifuza gutanga umusanzu uwo ari wo wose mu kurwanya COVID 19 agomba kuwushyikiriza Task Force y’igihugu iyobowe na Minisitiri w’intebe Dr Ruhakana Rugunda, ngo kuko hari banyapolitiki bari kugerageza gukwirakwiza imfashanyo y’ibiribwa kugira ngo baronke abayoboke biboroheye.

Imibare igaragaza ko muri Uganda hari abantu 53 banduye icyorezo cya Virusi ya Corona.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ghana ifite abanduye Coronavirus barenga 8000, bafunguye imisigiti...

Perezida wa Ghana, Nana Akufo-Addo yatangaje iyoroshywa ry’ingamba zo...
2 June 2020 Yasuwe: 848 0

Itorero rya satani rya mbere muri Afurika ryamaze kwiyandikisha...

Itorero rya mbere rya satani ryatangijwe muri Gashyantare 2020 ubu ryamaze...
1 June 2020 Yasuwe: 6189 1

Umuvandimwe wa wa mwirabura wishwe urupfu rw’agashinyaguro yavuze uburyo...

Philonise Floyd, umuvandimwe wa George Floyd uherutse kwicwa n’umupolisi i...
1 June 2020 Yasuwe: 4757 0

Amanda arangiza inshuro zirenga 50 ku munsi iyo ari gutera akabariro,yabaye...

Umukobwa wi’myaka 22 uzwi nka Amanda Grace afite uburwayi budasanzwe,...
31 May 2020 Yasuwe: 14557 1

Abaganga 2 bakundana bakoreye ubukwe mu bitaro kubera Coronavirus

Umusore w’umuganga witwa Annaran Navaratnam ndetse n’umukobwa w’umuganga...
30 May 2020 Yasuwe: 2285 0

Umuhungu wa Uhuru Kenyatta yishe amabwiriza ya Coronavirus ajya kwirebera...

Perezida Uhuru Kenyatta wa Kenya yatangaje ikintu kitari cyiza aherutse...
28 May 2020 Yasuwe: 5172 0