skol
startimes

Intwaro nyinshi zari zitwawe magendu zafatiwe hafi ya Somalia[AMAFOTO]

Amakuru   Yanditswe na: Martin Munezero 18 February 2021 Yasuwe: 4306

Igisirikare cyo mu mazi cya Leta Zunze Ubumwe za Amerika kuri uyu wa Kabiri cyatangaje ko ubwato bwacyo bwa gisirikare, USS Winston S. Churchill, bwafashe intwaro zajyanwaga magendu mu mato abiri mato mu gikorwa cyakorewe mu mazi mpuzamahanga hafi y’inkombe za Somalia.


Iki gikorwa cyabaye ku itariki 11 na 12 Gashyantare, ariko aya makuru nibwo agishyirwa ahagaragara.

Mu itangazo cyahshyize ahagaragara, Igisirikare cya Amerika cyavuze ko “intwaro zafashwe zigizwe n’ibihumbi by’imbunda za AK-47, imbunda za machine gun, imbunda za ba mudahusha, izirasa grenade n’izindi.”

Aho izi ntwaro zari ziturutse n’aho zari zijyanwe ntabwo haramenyekana neza nk’uko iyi nkuru dukesha Anadolu Agency ikomeza ivuga.

Abayobozi ba Somalia bavuganye n’iki kinyamakuru ariko batifuje ko amazina yabo atangazwa, bavuze ko izi ntwaro zishobora kuba zari zaratumijwe n’umutwe w’iterabwoba wa Al Shabab umaze imyaka isaga 10 urwanya Leta ya Somalia.

Ku rundi ruhande ariko, ikinyamakuru ABCNews kiravuga ko umwe mu bayobozi b’ingabo za Amerika nawe utifuje kumenyekana kuko nta burenganzira yahawe bwo kuvuga ku ifatwa ry’izi ntwaro, yavuze ko hari ibimenyetso bimwe bigaragaza ko izo ntwaro zishobora kuba zari zijyanwe muri Yemen.

Mu gihe cy’iminsi ibiri, ubu bwato bw’igisirikare cya Amerika bwahagaritse amato abiri mato barayasaka ngo harebwe ko adapakiwe imizigo itemewe mu rwego rwo kurinda umutekano mu mazi y’akarere. Yongeyeho ko abari mu bwato barekuwe nyuma y’iki gikorwa.



Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Injangwe yatumye indege yavaga muri Sudani igwa bitunguranye

Indege yari ivuye I Khartoum muri Sudani yerekeza muri Qatar iherutse...
7 March 2021 Yasuwe: 3280 0

Inzuki zataye muri yombi abajura bari bibye Televiziyo

Mu gace ka Sofia mu Karere ka Busia muri Uganda, inzuki zakoze agashya ubwo...
5 March 2021 Yasuwe: 4748 0

Umugabo yatunguye benshi ubwo yaryamaga hasi ku muferege akabera ikiraro...

Umugabo yatunguye benshi ubwo yaryamaga hasi ku muferege ucamo amazi maze...
5 March 2021 Yasuwe: 5311 0

Igikomangoma Harry yavuye i Bwami mu Bwongereza kuko ngo kugumayo...

Igikomangoma Harry avuga ko yasize umuryango w’i Bwami mu Bwongereza akajya...
5 March 2021 Yasuwe: 3789 0

Umurambo wa Bob Kasango uherutse gupfira muri gereza warwaniwe n’abagize...

Kuri uyu wa 2 Werurwe 2021 muri Kiliziya Kaderali ya All Saints muri...
2 March 2021 Yasuwe: 5464 0

Umusore warangije kaminuza bamwanditseho ngo RIP bucyeye arapfa[AMAFOTO]

Uyu musore wari ukiri muto ubwo yari ari mu birori byo gusoza amashuri ya...
2 March 2021 Yasuwe: 5200 0