Amezi icyenda utwite abana batandatu ni ibintu bidasanzwe kandi bidakunze kubaho, ni umutwaro ukomeye kubona umubyeyi utwite bakakubwirako inda atwite irimo abana 6, ushobora kubyumva ukumva ko bitabaho.

Sponsored Ad

Umugore wo mugihugu cya Nigeria ari mubyishimo bidasanzwe nyuma y’imyaka 12 yarabuze urubyaro.

Thelma Chiaka yari amaze igihe kinini cyane, kuri we yarihebye aziko atabyara ndetse n’abamuzi bahamyaga ko ari ingumba kuko nta kana yigeze.

Uyu mugore ubu abana be bamaze gukura, kuri uyu munsi nibwo yizihizaga isabukuru y’amavuko y’umwaka umwe bamaze bavutse.

Chiaka yafashe amafoto atandukanye asangiza abamukurikirana agaragaza ibyishimo atewe n’aba bana b’impanga amaze umwaka yibarutse.

Aya mafoto yishimiwe n’abantu benshi kuko ababibonye babonaga ari ibintu bidasanzwe ndetse bamwe babifataga nk’ibitangaza Imana yakoze.

Aba bana batandatu uyu mugore yibarutse harimo abakobwa 2 n’abahungu bane.

Izi mpanga zavukiye umunsi umwe, uwambere yitwa Kachi, Kaobi, Zina, Zuri, Kamsi, na Kaeto.