startimes

Umuvandimwe wa wa mwirabura wishwe urupfu rw’agashinyaguro yavuze uburyo Donald Trump yatumye aniganwa ijambo

Amakuru   Yanditswe na: Martin Munezero 1 June 2020 Yasuwe: 5805

Philonise Floyd, umuvandimwe wa George Floyd uherutse kwicwa n’umupolisi i Mineapolis muri Amerika amunigishije amavi, yatangaje ko yavuganye na Perezida Donald Trump wa Leta Zunze Ubumwe z’Amerika akamwima amahirwe yo kumubwira ikimuri ku mutima.



Floyd uvuga ko yanavuganye na Joe Biden wabaye Visi-perezida mu gihe cya Barack Obama, yabwiye umunyamakuru Al Sharpton wa MSNBC ko ikiganiro cye na Perezida Trump ku rupfu rw’umuvandimwe we cyihuse cyane. Yagize ati:

Ntiyigeze ampa umwanya wo kuvuga. Byari bigoye. Nageragezaga kumuvugisha ariko we agasa n’unkumira, bigasa nk’aho ambwira ati sinshaka kumva ibyo uvuga. Naramubwiye nti nshaka ubutabera. Navuze ko ntashobora kwizera ko bamwishe ku manywa y’ihangu.

Philonise yavuze ko yaninginze Joe Biden amusaba gushakira ubutabera umuvandimwe we, gusa ntiyahishura ibyo yamusubije. Ati:

Nasabye Visi-perezida Biden, mbere y’aho sinari narigeze ninginga umuntu. Ariko naramusabye nti ndakwinginze, wamufasha kubona ubutabera. Ndabukeneye, sinshaka kumubona ku mipira yo kwambara nk’uko bigendekera abandi. Nta wukwiye ibyo. Abirabura ntibakeneye biriya. Twese turi gupfa, ubuzima bw’abirabura buhabwe agaciro.

Ku wa kane w’iki cyumweru Philonise yari yavuze ko umupolisi wishe murumuna we akwiye igihano cy’urupfu. Bukeye bwaho Perezida Donald Tump yavuze ko yavuganye n’abo mu muryango wa George Floyd, gusa ntiyahishura ibikubiye mu kiganiro bagiranye. Trump yagize ati:

Ndagira ngo nihanganishe umuryango wa George Floyd mu izina rw’igihugu. Navuganye n’abagize uyu muryango, abantu bateye ubwoba cyane.

Nyakwigendera George Floyd w’imyaka 46 y’amavuko, yitabye Imana ku wa mbere w’iki cyumweru nyuma yo gutabwa muri yombi na Polisi yo mu mujyi wa Minnesota. Impagarara zavutse mu bantu nyuma y’amashusho yagiye hanze agaragaza urw’agashinyaguro yishwe n’umupolisi wari umupfukamye ku gikanu.

Abapolisi bane bagize uruhare mu rupfu rwe bamaze kwirukanwa ku kazi, umwe muri bo witwa Derek Chauvin ari na we wamwishe afungwa nyuma yo guhamwa n’ubwicanyi.

Kuva ayo mashusho yajya ahagaragara muri bice bitandukanye bya Leta zunze ubumwe za Amerika hari kubera imyigarambyo ikomeye y’abamagana urupfu rw’uriya mwirabura.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo yarokotse urupfu nyuma yo gufatwa ari gusambana n’umugore...

Muri Kenya, umugabo uri mu kigero cy’imyaka 40, akaba ari umukozi wa West...
11 July 2020 Yasuwe: 3893 0

Umugore yahuye n’ibizazane ubwo umugbo we yamwitiranyaga n’inzoka

Mu gihugu cy’Ubwongereza, umugabo utaratangarijwe amazina yavunnye ikirenge...
10 July 2020 Yasuwe: 4204 1

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 13026 2

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 18849 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2890 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1777 0