Umunya politike uherutse gutorerwa kuzahagararira ishyaka rya CNDD FDD mu matora ya perezida w’u Burundi ateganyijwe kuwa 20 Gicurasi uyu mwaka yagaragaye kwa muganga ari kwipimisha kugira ng agaragaze ko afite amagara mazima.

Sponsored Ad

Mu rwego rwo gushaka ibyangombwa bisabwa na komisiyo y’amatora mu Burundi [CENI] kugira ngo azashobore kwemererwa kwiyamamaza,Gen. Evariste Ndayishimiye watrewe guhagararira CNDD FDD muri aya matra, yabyukiye ku biro bya Minisiteri y’Ubuzima kugira ngo basuzume ubuzima bwe uko buhagaze hanyuma ahabwe urupapuro rwitwa Aptitude Physique ruri mu zisabwa kugira ngo umuntu yemererwe kwiyamamaza.

Gen. Evariste Ndayishimiye w’imyaka 52, wavukiye muri komine Giheta y’intara ya Gitega mu mwaka wa 1968, yatorewe kuzahagarararira ishyaka CNDD-FDD mu matora y’umukuru w’igihugu ya 2020 mu nama idasanzwe y’iri shyaka yateranye kuwa 26 Mutarama 2020.

Gen. Evariste Ndayishimiye wari umunyamabanga mukuru w’ishyaka riri Ku butegetsi, CNDD FDD arahabwa amahirwe menshi yo kuzatsinda aya matora gusa azaba ahanganye n’abarimo Agathon Rwasa wa CNL.