Burundi:Bunyoni wabaye Minisiteri w’Intebe araburanishirizwa mu Ruhame
Yanditswe: Thursday 28, Sep 2023
Kuri uyu wa kane tarikiya ya 28 Nzeri 2023, biteganijwe ko Gen. Bunyini wanabaye Minisiteri w’Intebe mu Burundi aburanishirizwa mu ruhame ku byaha bya ruswa akurikiranyweho.
Byatangajwe n’umwe mu bacamanza wahishuriye ikinyamakuru cyandikira imbere mu gihugu SOSMedias ko imyiteguro y’aho Bunyoni ari buburanisjirizwe irimbanije.
Biteganijwe ko ari bujyanwe imbere y’abaturage mu cyumba cyateguwe hafi ya gereza nkuru i Gitega aho asanzwe afungiyemo kuva mu kwezi kwa 7 uyu mwaka.
Bunyoni yabaye Minisiti w’Intebe kuva mu 2020 kugeza muri Nzeri 2022 ariko aza kwirukanwa nyuma y’aho Perezida Evariste Ndayishimiye agereye ku butegetsi.
Uyu mugabo wanabaye Umuyobozi wa Polisi na Minisitiri w’Umutekano yasimbuwe na Gervais Ndirakobuca iminsi mike nyuma y’aho Ndayishimiye agaragaje ko yashatse kumuhirika ku butegetsi.
Yatawe muri yombi mu Mujyi wa Bujumbura mbere y’uko yizihiza isabukuru ye y’imyaka 51 y’amavuko. indi nkuru bijyanye
Bunyoni ashinjwa gutesha agaciro inzego z’umutekano, ibyaha bibangamiye ubukungu bw’igihugu no kwikungahaza binyuranyije n’amategeko. Ashinjwa kandi gutunga intwaro mu buryo bunyuranyije n’amategeko no gutuka perezida.
Bunyoni yahoze ari inshuti magara ya Pierre Nkurunziza wahoze ari perezida akaba n’igihangange mu ishyaka riri ku butegetsi, CNDD-FDD.
Leave a Reply
Your email address will not be published. Required fields are marked *