skol
fortebet

Botswana: Inteko ishinga amategeko yose yashyizwe mu kato kubera guhura n’uwanduye Coronavirus

Yanditswe: Friday 10, Apr 2020

Sponsored Ad

Abadepite bose 57 ba Botswana bagomba kujya mu kato mu gihe cy’iminsi 14 nyuma y’uko umwe mu baganga b’Inteko ishinga amategeko bamusanzemo Covid-19.

Sponsored Ad

Ibi byategetswe n’ushinzwe serivisi z’ubuzima mu gihugu Bwana Malaki Tshipayagae nk’uko byatangajwe na guverinoma ya Botswana.

Uyu munsi kuwa kane, iki gihugu cyemeje abandi bantu barindwi bashya banduye iki cyorezo, barimo uwo muganga w’Inteko wari ku kazi ke kuwa gatatu.

Perezida Eric Mokgweetsi Masisi wa Botswana, Kuwa Gatatu nawe yari mu nteko aho yitabiriye ibiganiro ku mushinga wo kongera igihe cy’ibihe bidasanzwe mu gihugu bikagera ku mezi atandatu.

Perezida Masisi, mu minsi ishize nibwo yarangije akato k’iminsi 14 nyuma y’uko yari aherutse kuva muri Namibia mu kwezi kwa gatatu, ahari harageze iyi ndwara mu gihe muri Botswana yari itarahagera.

Ibiro bya Perezida muri Botswana icyo gihe byatangaje ko azakomeza akazi ariko ari ahantu ha wenyine kugira ngo niba yaranduye atagira uwo yanduza.

Dr Malaki Tshipayagae ushinzwe kurwanya icyorezo cya COVID-19 muri Botswana yasabye ko abaherekeje perezida muri Namibia na bo bashyirwa mu kato.

Muri Botswana ubu hamaze kuboneka abantu 13 banduye Covid-19.

Iki gihugu cyafashe iminsi 28 yo guhagarika ubuzima busanzwe kugira ngo birinde ikwirakwira ry’iki cyorezo.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa