addresiya
Kigali
startimes

Coronavirus yakoze umuhigo ukomeye wo kwica abantu benshi cyane ku munsi umwe muri USA

Amakuru   Yanditswe na: Dusingizimana Remy 8 April 2020 Yasuwe: 9035

Muri Leta zunze ubumwe za Amerika coronavirus yishe abantu 1,736 mu gihe cy’umunsi umwe gusa w’ejo kuwa kabiri, nibo benshi iyi ndwara yishe mu gihugu kimwe ku munsi kugeza ubu.



Byatumye umubare w’abamaze kwicwa n’iyi ndwara muri Amerika uzamuka ugera ku 12,857 nk’uko bivugwa na kaminuza y’ubushakashatsi ya Johns Hopkins.

Kugeza ubu Amerika ifite abantu barenga 400,000 babonywemo Covid-19, niwo mubare munini mu gihe ubu ku isi habarwa abarenga miliyoni 1,4 banduye.

Gusa mu kiganiro n’abanyamakuru Perezida Donald Trump yavuze ko Amerika iri kugana ku gihe cyo kumanuka kw’iyi cyorezo.

Hagati aho mu mujyi wa Wuhan mu Bushinwa aho iyi ndwara yahereye, bahagaritse ibihe bidasanzwe nyuma y’ibyumweru 11.

Imibare iri hejuru cyane y’abapfuye ku munsi yabonywe ejo yavanyeho iyari iriho y’abantu 1,344 iyi ndwara yishe tariki 04 z’uku kwezi kwa kane.

Gusa imibare yatanzwe ejo nayo ishobora kuza kurenga kuko hari leta zimwe muri Amerika zitaratanga imibare yazo.

New York irazahaye
Igice kinini cy’izi mpfu cyatangajwe muri leta ya New York, ifatwa nk’izingiro ry’iki cyorezo muri Amerika. Ejo gusa, muri iyi leta habaruwe abantu 731 bapfuye.

Iyi leta gusa, iri hafi guca ku Butaliyani mu mibare y’abamaze kwandura iyi ndwara.

Guverineri wayo Andrew Cuomo yavuze ko biboneka ko iki cyorezo kigeze ku gasongero. Ko abajya mu bitaro n’indembe bari kugabanuka.

Bwana Cuomo yasabye abatuye New York kuguma mu ngo zabo no kwirinda kujya ahari abantu benshi.

Trump yavuze iki kuri OMS?

Mu kiganiro n’abanyamakuru ejo kuwa kabiri, Bwana Trump yavuze ko Amerika iri mu nzira y’uko impfu ziba nke kurusha uko byari byitezwe.

Avuga ko itsinda ryo kurwanya iyi ndwara yashyizeho ryateganyaga ko iki cyorezo kizahitana abantu 240,000 muri Amerika.

Bwana Trump yavuze ko Amerika ubu iri kugana ku kumanuka kw’imibare y’iki cyorezo.

Muri iki kiganiro yibasiye ishami rya UN rishinzwe ubuzima ku isi, WHO/OMS, avuga ko ryatanze inama mbi kandi ryibanze cyane ku Bushinwa.

Ati: "WHO rwose yarabyangije. Nubwo ahanini iterwa inkunga na Amerika, ariko yibanze ku Bushinwa"

Yavuze ko Amerika izafatira amafaranga yari isanzwe igenerwa WHO.

Ahandi ku isi byifashe bite?

Minisitiri w’intebe w’Ubwongereza Boris Johnson yamaze ijoro rya kabiri mu cyumba cy’indembe mu bitaro.

Ubuyapani uyu munsi bwatangiye umunsi wa mbere w’ibihe bidasanzwe mu gihugu.
Inteko ishinga amategeko ya Australia biteganyijwe ko iterana ikemeza umushinga wa miliyari 80$ yo gufasha abagera kuri kimwe cya kabiri cy’abakozi mu gihugu muri ibi bihe.

Abamaze kwicwa n’iki cyorezo mu Bufaransa barenze 10,000 nyuma y’uko imibare yiyongereye kubera impfu nyinshi mu nzu zifashirizwamo abashaje n’abamugaye.

Muri Africa kugeza mu ijoro ryo kuwa kabiri abanduye Covid-19 bari 10,252. Abo yishe ari 492 naho abayikize ari 989 nkuko bivugwa n’ishami ryita ku byorezo mu muryango w’ubumwe bwa Africa.

Mu bihugu biri mu muryango wa Afurika y’iburasirazuba;

Kenya - 172
Rwanda - 105
Uganda - 52
Tanzania - 24
Burundi - 3
South Sudan - 2

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Sayles

    Umuhigo ukomeye? Ibyo se ni ibiki? Corona se yahize na ki? Abandika mujye mugerageza kwita kubyo mwandika pe.

    1 month ago
  • chat_bubble

    Imana itabare abanyamerika

    1 month ago

Inzindi nkuru

Tanzania yatangaje ko isigaranye abarwayi 4 gusa ba Coronavirus

Minisitiri w’ubuzima wa Tanzania yatangaje ko umubare w’abarwayi ba Covid-19...
2 June 2020 Yasuwe: 1190 0

Perezida Museveni yasubitse Ifungurwa ry’amashuri kubera Coronavirus

Perezida Yoweri Museveni wa Uganda yasubitseho ukundi kwezi gahunda yo...
2 June 2020 Yasuwe: 1182 0

DR Congo: Ebola yahitanye abantu bane mu gace kitwa Mbandaka

Hemejwe ko habonetse abantu bashya banduye indwara ya Ebola muri Repubulika...
2 June 2020 Yasuwe: 240 0

Afurika y’Epfo: Ibyishimo byarenze abakunzi b’agasembuye baraye ijoro...

Imirongo miremire yabonetse imbere y’inzu zicuruza inzoga muri Afurika...
1 June 2020 Yasuwe: 2184 0

Ibyaranze iminota 30 ya nyuma y’ubuzima bwa George Floyd wahagaritse ubuzima...

Ubuzima busa n’ubwahagaze muri Leta Zunze Ubumwe z’Amerika kubera...
31 May 2020 Yasuwe: 5397 0

Igikomangoma cy’Ububiligi cyanduriye Coronavirus mu birori cyitabiriye mu...

Igikomangoma cyo mu Bubiligi cyanduye coronavirus nyuma yo kwitabira...
31 May 2020 Yasuwe: 708 0