skol
fortebet

Perezida Magufuli yakiriye ikigori cyokeje yahawe n’umuturage ubwo yari mu rugendo ahita akirya [AMAFOTO]

Yanditswe: Wednesday 05, Aug 2020

featured-image

Sponsored Ad

Nyuma yo guhabwa inkoko n’umuturage akayakira,Perezida Magufuli yahawe ikigori n’umuturageubwo yari mu rugendo ahita akirira imbere y’abantu nta kwishisha cyangwa gukeka ikintu kibi.

Sponsored Ad

Perezida Magufuli ukunzwe muri Tanzania,yahawe iki kigori ari mu rugendo rwerekeza muri Dodoma.

Dr. Pombe Magufuli yahagaze mu nzira asuhuza abacuruzi baciriritse bo mu gace ka Dumila mu Karere ka Mvomelo mu Ntara ya Morogoro aribwo umwe yavuye mu bandi amuzanira ikigori yari amaze kotsa,nawe ntiyazuyaza arakirya.

Perezida Magufuli yasezeranyije aba bacuruzi bamuzimaniye kubaha miliyoni 100 z’amashilingi ya Tanzania azakoreshwa mu kuvugurura ahantu bakorera hakaba hanini kurushaho.

Perezida Magufuli yemereye bariya baturage ba Dumila, kwagura umuhanda wabo dore ko ari wo werekeza Dodoma. Yahise akomeza urugendo rwe aho yari avuye i Dar Es Salaam agana Dodoma.

Kuwa 20 Nyakanga 2020, Perezida Magufuli yategewe mu nzira n’umuturage amuha ishimwe ry’inkoko ubwo yahagarara ku muhanda kugira ngo asuhuze abatuye mu gace ka Somanga mu majyepfo ya Tanzania bari bamutegerereje ku muhanda.

Uyu muturage yari ku muhanda ari kumwe n’abandi bari bamutegereje,abwira Perezida ko iryo shimwe yarishyira mama we kubera ko yamureze neza.

Perezida Magufuli w’imyaka 60 y’amavuko uri ku butegetsi kuva mu 2015,aherutse gutorerwa kongera kwiyamamariza manda ya kabiri y’imyaka itanu - ari nayo ya nyuma yemewe n’itegekonshinga rya Tanzania n’ishyaka rye CCM.

Perezida Magufuli ashimagizwa na benshi ku kuyobora ibikorwa byinshi by’iterambere, ariko abamunenga barimo n’imiryango iharanira uburenganzira bwa muntu bavuga ko yakoresheje umwanya we mu gutoteza abatavuga rumwe na we no guhonyora ubwisanzure bw’itangazamakuru.


Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa