skol
fortebet

Perezida Nkurunziza utaratinye Coronavirus yagaragaye ari gusarura imyungu mu mirima ye [AMAFOTO]

Yanditswe: Monday 13, Apr 2020

Sponsored Ad

Mu gihe isi yose ihangayikishijwe na Coronavirus ndetse ibihugu bimwe bikaba byarafashe ingamba zikomeye zo gufunga imipaka,amakoraniro ndetse bitegeka abaturage babyo kuguma mu ngo zabo,mu Burundi perezida Nkurunziza we yagaragaye ari kumwe n’abandi bari gusarura imyungu [ibihaza] mu mirima ye iherereye I Ngozi.

Sponsored Ad

Uyu munsi Perezida Nkurunziza yagaragaye mu ntara ya Ngozi muri komini Gashikanwa,aho asanzwe ahinga akanahororera.ndetse yasize asaruye imyungu ye yari imaze kwera.

Mu mashusho yagiye hanze yagaragaje Nkurunziza ari guhererekanya nabo bari kumwe iyi myungu nta kwikanga ko bakwandura icyorezo cya Covid-19 kimaze kwandura abantu 5 muri iki gihugu cy’u Burundi.

Perezida Nkurunziza yanasuye inka ze n’abaziragira kuri uyu wa Mbere tariki ya 13 Mata 2020.

Mu Burundi,kuwa Gatandatu minisiteri y’ubuzima yatangaje ko habonetse abantu babiri bashya banduye Covid-19, umubare w’abayanduye ubu ni batanu(5).

Imiryango mpuzamahanga yita ku buzima itewe impungenge n’uburyo u Burundi butafashe ingamba zo kwirinda ikwirakwira rya Coronavirus aho imbere mu gihugu ubuzima busanzwe bukomeje.

Ejo ku cyumweru habonetse amafoto y’abantu bakoraniye mu nsengero ari benshi bizihiza umunsi wa Pasika, muri iki gihugu hamaze kuboneka abantu batanu banduye iki cyorezo.

Igihugu cy’u Burundi cyanze guhagarika amatora y’umukuru w’igihugu ateganyijwe kuwa 20 Gicurasi 2020 aho abakandida 7 bazahatanira iyi ntebe iruta izindi mu Burundi.

Komisiyo ishinzwe amatora mu Burundi yamaze gutangaza abakandida batandatu bemerewe kwiyamamariza kuyobora Uburundi biyongereyeho Domitien Ndayizeye wemerewe n’urukiko rw’Ikirenga.

Abakandida barindwi bemerewe guhangana mu mwanya wo gusimbura Perezida Nkurunziza umaze imyaka 15 ku butegetsi barimo:

1.Général Major Évariste Ndayishimiye [CNDD FDD]
2.Rwasa Agathon [CNL]
3.Sindimwo Gaston [UPRONA]
4. Ngendakumana Léonce [SAHWANYA FRODEBU]
5.Francis Rohero [Umukandida wigenga]
6. Nahimana Dieudonné [umukandida wigenga]
7.Domitien Ndayizeye [KIRA-Burundi]

Amatora y’umukuru w’igihugu mu Burundi yitezwe na benshi aho abahabwa amahirwe menshi ari Gen.Evariste Ndayishimiye wa CNDD FDD na Agathon Rwasa wa CNL.



Ibitekerezo

  • NARI KUGIRA IKIBAZO IYO ABA ARI GUSARURA MU MURIMA WAWE. N’ABANDI BOSE BASARURA AHO BABIBYE

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa