Kigali
startimes

Trump yahagaritse imikoranire ya Amerika na OMS ashinja kuba igikoresho cy’Ubushinwa

Amakuru   Yanditswe na: Dusingizimana Remy 30 May 2020 Yasuwe: 689

Perezida Donald Trump wa Leta Zunze Ubumwe z’Amerika yatangaje ko yahagaritse imikoranire iki gihugu cyari gifitanye n’ishami ry’umuryango w’abibumbye ryita ku buzima (OMS/WHO).



Perezida Trump ashinja OMS kunanirwa gukurikirana Ubushinwa mu buryo bwitwaye ku cyorezo cya coronavirus.

Ubwo yatangazaga ingamba zigamije guhana Ubushinwa, Bwana Trump yagize ati: "Ubushinwa bugenzura ishami ry’umuryango w’abibumbye ryita ku buzima ryose uko ryakabaye".

Yavuze ko inkunga Amerika yageneraga OMS izayishyira mu yindi miryango.

Amerika ni cyo gihugu cya mbere ku isi gitera inkunga nyinshi cyane OMS, mu mwaka ushize wa 2019 ikaba yarahaye OMS irenga miliyoni 400 z’amadolari.

Bwana Trump ari guharanira kongera gutorwa ku yindi manda muri uyu mwaka kandi akomeje kunengwa ku buryo na we yitwaye mu guhangana na coronavirus muri Amerika.

Yakomeje kunenga Ubushinwa avuga ko bwahishiriye amakuru y’ingenzi ajyanye na coronavirus ubwo yadukaga mu mwaka ushize.

Muri Amerika, abantu barenga 102,000 bamaze kwicwa na Covid-19, indwara yo mu buhumekero iterwa n’ubu bwoko bushya bwa coronavirus.

Trump yavuze iki?

Avugira mu busitani bwa Rose Garden bwo mu nyubako y’ibiro bye bya White House, Bwana Trump yaraye agize ati:

"Uyu munsi turahagarika umubano w’imikoranire yacu n’ishami ry’umuryango w’abibumbye ryita ku buzima inkunga tuyohereze ahandi".

"Ubu isi iri mu kaga kubera imikorere mibi ya leta y’Ubushinwa".

Yongeyeho ko Ubushinwa "bwateje icyorezo ku isi kimaze guhitana ubuzima bw’Abanyamerika barenga 100,000".

Perezida Trump yashinje Ubushinwa kotsa igitutu OMS ngo "iyobye isi" ku bijyanye n’iyi virusi.

Ubushinwa bwashinje Amerika ko ariyo yo kuryozwa ikwirakwira rya coronavirus ku butaka bwayo, buvuga ko byatewe n’abanyapolitiki bo muri Amerika "babeshya".

Ibihugu binyamuryango bya OMS byemeranyijwe gukora iperereza ryigenga ku buryo iki cyorezo cyarwanyijwe ubyo cyadukaga.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Trump yongeye kunengerwa mu ruhame ashinjwa gukwirakwiza ibinyoma ku...

Umwe mu bakuriye ibyo kugenzurano kwemeza imiti muri Amerika akemanga ibyo...
6 July 2020 Yasuwe: 517 0

Ba bana 4 bishwe na Mama wabo ubabyara ’Beatrice’ abanize bashyinguwe

Mu gihugu cya Kenya, mu gace ka Kinangop, abaturage bashyinguranye agahinda...
5 July 2020 Yasuwe: 12434 0

IFOTO Y’UMUNSI: Umufasha wa Perezida Nkurunziza yafotowe yagiye gusarura...

Kuri uyu wa Gatanu tariki 03 Nyakanga 2020,abagize umuryango wa...
3 July 2020 Yasuwe: 13664 1

Uganda: Umumotari yitwikiye ku biro bya polisi nyuma yo kumusaba...

Umumotari w’imyaka 29 wo muri Uganda yapfuye yitwikiye ku biro bya polisi,...
3 July 2020 Yasuwe: 1119 0

Kim Jong-un yemeje ko igihugu cye cyakubise inshuro icyorezo cya...

Kim Jong-un, umutegetsi mukuru wa Koreya ya ruguru, yashimagije igihugu cye...
3 July 2020 Yasuwe: 760 0

Republique Tcheque: Abantu ibihumbi bakoze ibirori byo gusezera kuri...

Mu gihe ishyirahamwe rishinzwe ubuzima ku isi OMS muri iki cyumweru...
1 July 2020 Yasuwe: 1340 0