startimes
startimes

RIB yatangaje icyo Kizito Mihigo yakoresheje yiyahurira muri kasho yari afungiwemo

Amakuru   Yanditswe na: Dusingizimana Remy 17 February 2020 Yasuwe: 21467

Urwego rw’igihugu rw’Ubugenzacyaha [RIB] rwatangaje ko umuhanzi Kizito Mihigo yiyahuye akoresheje amashuka yararagamo muri Kasho yari afungiwemo I Remera nyuma yo gufatwa ashaka kwambuka I Burundi.


Sponsored Ad


Umuvugizi wa RIB, Madamu Marie Michelle Umuhoza, yabwiye Flash Fm ko amakuru yatanzwe n’umuntu wagiye kureba Kizito Mihigo mu gitondo cyo kuri uyu wa Mbere ari uko yamusanze amanitse ahita abimenyesha na RIB.

Madamu Umuhoza yakmeje agira ati "Iperereza ryahise ritangira ariko mu byagaragaye nuko yakoresheje ibikoresho yaryamagaho,amashuka yakozemo nk’ikiziriko hanyuma nyine yiyambura ubuzima. Iperereza ryatangiye.Umurambo we wajyanwe Kacyiru kugira ngo hakorwe autopsy.RIB iri mu iperereza kugira ngo ukuri kwabyo kumenyekane.”

Ku myitwarire ya Kizito mbere y’uko yiyahura,Umuhoza yagize ati “Mu mabazwa ye hari ibintu yagiye agaragaza.Wabonaga ari umuntu ucecetse ubona adashaka kuvuga ndetse n’abo mu muryango we bamusuraga ntiyabavugishaga.Wabonaga afite ukuntu asa n’ucecetse adashaka kuvuga,ameze nk’umuntu uri aho ngaho wigunze.”

Yavuze ko mu minsi ya mbere Kizito Mihigo yari yanze kubazwa byanatumye dosiye ye itinda kurangira ndetse ngo uyu muhanzi yari afunzwe wenyine.

Mu gitondo cy’uyu wa Mbere Polisi y’u Rwanda yasohoye itangazo rivuga ko “Mu rukerera rw’uyu wa Mbere tariki 17 Gashyantare 2020, ahagana saa kumi n’imwe, Kizito Mihigo w’imyaka 38 y’amavuko wari ufungiye kuri Sitasiyo ya Polisi i Remera yasanzwe yiyahuye arapfa.”

Iri tangazo rikomeza rivuga ko “Kizito Mihigo yari amaze iminsi 3 muri kasho ya Polisi aho ubugenzacyaha bwamukurikiranagaho ibyaha birimo kwambuka umupaka mu buryo bunyuranyije n’amategeko n’icyaha cya ruswa.”

REBA HASI VIDEWO

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble BIZIMUNGU Dieudonne

    ese mubyukuri yarafunzwe wenyine kumpamvu zebwite ikindi niba ibitangaza makura mutatubeshya kuki atafungiwe I nyaruguru akazanwa kgl

    5 months ago
  • chat_bubble gasigwa Ernest

    kuki bamufunze wenyine ubwo ntubakekaga KO yakuiyahura ?

    5 months ago

Inzindi nkuru

Rwanda:Ababereyemo leta imyenda bafatiwe ingamba nshya

Leta y’u Rwanda yafashe ingamba nshya zo kwishyuza abayibereyemo imyenda,...
7 August 2020 Yasuwe: 1670 0

Uwimbabazi Irène avuga ko yafashwe ku ngufu RIB ikavuga ko bitabaye

Uwitwa Uwimbabazi Irène wo mu karere ka Ruhango yatangaje ko bagizi ba nabi...
7 August 2020 Yasuwe: 2531 0

Abakora umwuga w’ubukomisiyoneri mu Rwanda bakuwe amata ku munwa

Uburyo bushya bwo guteza cyamunara hakoreshejwe uburyo bwa elegitoronike,...
6 August 2020 Yasuwe: 16689 0

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11659 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12355 0

Umunyarwanda warangije amasomo y’ikoranabuhanga n’itumanaho muri kaminuza...

Umunyarwanda warangije amasomo y’ikoranabuhanga n’itumanaho muri kaminuza,...
31 July 2020 Yasuwe: 9498 4