startimes
Kigali
startimes

Uganda yarekuye Abanyarwanda 13 yari ifunze mu buryo bunyuranyije n’amategeko

Amakuru   Yanditswe na: Dusingizimana Remy 18 February 2020 Yasuwe: 4151

Igihugu cya Uganda cyatangiye kugaragaza ubushake bwo kurekura abanyarwanda cyari gifunze mu buryo bunyuranyije n’Amategeko cyane ko ku gicamunsi cyo kuri uyu wa Kabiri yamaze kurekura Abanyarwanda 13.


Sponsored Ad


Mu muhango wari uhagarariwe na Minisitiri w’Ububanyi n’Amahanga wa Uganda, Sam Kutesa,Uganda yashyikirije aba banyarwanda 13 u Rwanda mu muhango wabereye kuri Ambasade y’u Rwanda muri iki gihugu.Aba banyarwanda barimo abagabo 10 n’abagore 3.

Sam Kutesa yabwiye abanyamakuru ko bakoze iki gikorwa cyo kurekura aba banyarwanda 13 kubera ko intego bafite yo kugarura umubano mwiza n’u Rwanda.Mu barekuwe harimo umugore wa Rene Rutagungira nawe wari warafashwe.

Kuwa Kabiri taliki ya 07 Mutarama 2019, nibwo Uganda yatangiye kugaragaza ubushake bwo kurekura Abanyarwanda ifunze mu buryo budakurikije amategeko aho yarekuye abagera ku icyenda barimo René Rutagungira wabimburiye abandi gufatwa no gukorerwa iyicarubozo n’inzego z’umutekano za Uganda ashinjwa ubutasi.

Bamwe mu banyarwanda 2 bafashwe bashinjwa n’inzego z’umutekano z’iki gihugu ibikorwa by’ubutasi barekuwe ku mugaragaro n’urukiko rukuru rwa Makindye mu gitondo cyo kuwa Mbere.

Uganda yatangiye guta muri yombi abanyarwanda bari ku butaka bwayo,ikabafunga mu buryo bunyuranyije n’amategeko mu mwaka wa 2018.

Uku guhohotera abanyarwanda no gushaka kubashora mu mitwe ishaka guhungabanya umutekano w’u Rwanda Uganda ifasha nibyo byatumye umubano wayo n’u Rwanda uzamo agatotsi.

Muri Werurwe umwaka ushize, nibwo Guverinoma y’u Rwanda yasabye abaturage bayo guhagarika kujya muri Uganda kubera impungenge z’umutekano wabo, nyuma y’ubuhamya bw’abarengaga 800 bari bamaze iminsi birukanwa ku butaka bw’icyo gihugu bavuga ndetse banagaragaza ihohoterwa n’iyicarubozo bakorewe.

Leta y’u Rwanda yavuze ko Uganda nihagarika ibyo guhohotera Abanyarwanda bari ku butaka bwayo no gufasha imitwa ishaka guhungabanya umutekano wayo,umubano uzongera kugaruka.

Mu cyumweru gishize habaye inama yahuje intumwa z’u Rwanda n’iza Uganda hafatwa umwanzuro w’uko iki gihugu kiyoborwa na Museveni kigiye kurekura abanyarwanda bagifungiwemo aribyo byatangiye gukorwa.

Ibi bibaye mbere gato y’uko perezida Kagame na Museveni bahurira mu nama izabera i Gatuna kuwa Gatuna kuwa Gatanu w’iki cyumweru.

Mu bandi bantu bashyikirijwe U Rwanda harimo n’inyeshyamba 2 zo mu mutwe wa RUD-URUNANA zahungiye muri Uganda nyuma yo kugaba igitero mu Kinigi.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rutsiro: Abakozi 16 b’akarere barimo n’abanyamabanga nshingwabikorwa...

Akarere ka Rutsiro kahagaritse by’agateganyo abakozi 16 barimo abanyamabanga...
6 August 2020 Yasuwe: 2502 0

Uwari Perezida yarafunzwe, uwari Minisitiri w’Intebe ari muri kasho, ni inde...

Umwana wavutse Perezida Bizimungu yatawe muri yombi ubu yujuje imyaka 18...
19 July 2020 Yasuwe: 16429 6

Intumwa za Zambia zigiye kuza mu Rwanda kubera ibyavuzwe na...

Guverinoma ya Zambia yatangaje ko igiye kohereza intumwa mu Rwanda zizaba...
18 July 2020 Yasuwe: 1174 0

Perezida Kagame yagiranye ibiganiro n’intumwa ya Zambia ku byavuzwe na...

Nyakubahwa Perezida wa Repubulika Paul Kagame, yakiriye mu biro bye,...
18 July 2020 Yasuwe: 2510 0

Impamvu Guverineri Kayitesi yahawe umwenda wanditseho nimero 6 akanitwa...

Ku munsi w’ejo tariki ya 14 Nyakanga 2020,nibwo habaye umuhango...
15 July 2020 Yasuwe: 9647 1

Kayitesi uherutse kugirwa umuyobozi w’intara y’Amagepfo yahize kurangiza vuba...

Umuyobozi mushya w’intara y’Amagepfo,Madamu Kayitesi Alice yatangaje ko...
14 July 2020 Yasuwe: 2198 0