Umutoza wa Tottenham, Ange Postecoglou,yavuze ko abakinnyi be "bazi ingaruka" z’umukino wo mu mpera z’iki cyumweru bazakina na Arsenal.

Sponsored Ad

Kuri iki cyumweru, Spurs izakira the Gunners, mu mukino wa shampiyona w’ingenzi ufite igisobanura ku ikipe ya Arsenal.

Ikipe ya Mikel Arteta izinjira muri uyu mukino izigamye inota rimwe mbere ya Manchester City bahataniye Premier League.

Mu gihe Spurs ifite intego yo kwinjira mu makipe ane ya mbere,izi ko gutsinda Arsenal byatuma isatira abo bahanganye mu gihe batakwitwara neza.

Postecoglou ati: "Tuzi akamaro ko gukinira iwacu muri iyi mikino imeze gutya no kugira ngo tutareka umukeba wacu ukomeye agatsinda muri uyu mukino w’ishyiraniro munini kuri twe."

"Tuzi ingaruka zabyo. Ntabwo ngiye gutegeka uko abafana bacu biyumva ariko uko biyumva ni ngombwa."

Ikipe ya Spurs yatsindiye Liverpool na Manchester United iwayo muri iyi shampiyona, kandi Postecoglou avuga ko ku cyumweru hazatanga andi mahirwe ku ikipe ye yo kwipima kuri mukeba wabo.

Arsenal iramutse ibonye intsinzi,yakongera gushyiramo ikinyuranyo cy’amanota ane imbere ya City,yo izakina na Nottingham nyuma ku cyumweru.