addresiya
startimes

Col.Byabagamba agiye kongera kugezwa imbere y’Ubutabera kubera ibyaha 2 yakoze ari muri gereza

Amakuru   Yanditswe na: Dusingizimana Remy 10 April 2020 Yasuwe: 2575

Kuri uyu wa Kane,igisirikare cy’u Rwanda RDF cyatangaje ko ubushinjacyaha bwacyo bugiye kongera kugeza imbere y’urukiko,Col.Tom Byabagamba kubera ibyaha 2 yakoreye muri gereza aho afungiye.



Col.Tom Byabagamba arashinjwa ibindi byaha 2 birimo kugerageza gutanga ruswa no gutoroka Gereza ya Gisirikare.

RDF yagize iti “Ibyaha byakozwe na Col Tom Byabagamba n’abo bafatanyije bari muri gereza no hanze yayo bari gukorwaho iperereza.’’

Col Tom Byabagamba yatawe muri yombi ku wa 24 Kanama 2014. Muri Werurwe 2016, Urukiko Rukuru rwa Gisirikare rwamukatiye igifungo cy’imyaka 21.

Ku wa 27 Ukuboza 2019, Urukiko rw’Ubujurire rwamukatiye imyaka 15 y’igifungo no kumwambura impeta zose za gisirikare.

Itangazo ryashyizwe ahagaragara na RDF kuri uyu wa Kane ryakomeje riti "ubutabera buzakora inshingano zabwo kandi ntibuzihanganira umuntu wese wica amategeko cyangwa unyuranya n’amahame ya RDF.’’

Tom Byabagamba yarezwe ibyaha birimo kuvuga amagambo asebya ubutegets bw’u Rwanda ari ubw’abicanyi, ko bufata ibyemezo bihubutse ndetse ngo bukaba bufungira abantu ubusa.

Ibi byaha bivugwa ko yakoreye i Kigali ndetse no mu gihe yari mu butumwa bw’amahotro muri Sudan y’Epfo abishinjwa na bamwe mu basirikare bemeza ko yabibwiye.

Tom Byabagamba yagiye ahakana ko atigeze avuga nabi ubutegetsi kandi ko nta nyungu yagira mu gusuzugura ibendera ry’igihugu avuga ko yarwaniye.

Mu gihe cyose cy’urubanza, uyu musirikare yakomeje kwikoma ubushinjacyaha avuga bumurega ibyaha by’ibihimbano.

Col Tom Byabagamba yari mu kirego kimwe na Rtd Brig Gen Frank Rusagara, aho bombi ubu bamaze imyaka itanu muri gereza, baherukaga kujuririra Urukiko rw’Umuryango wa Afurika y’Iburasirazuba, East African Court of Justice (EACJ) basaba ko igihano cy’imyaka 15 bahawe giteshwa agaciro.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble munyemana

    Ibi byaha nibimuhama,ashobora kuzagwa muli gereza,kubera ko atangiye gusaza.Iyi si tugomba kuyibamo dukora attention.Wibeshya gato bikakugiraho ingaruka ushobora kwicuza ubuzima bwawe bwose.Kubera kwitwara nabi mu buzima,ushobora gufungwa, kwicwa,kurwara sida kubera gusambana,cyangwa indi ndwara.Urugero,ushobora kurwara umwijima cyangwa cancer kubera ko wanyweye inzoga nyinshi,cyangwa itabi igihe kinini.UMUTI wagufasha ni ukubaho utinya kandi wumvira Imana.Urugero,umukristu nyakuri yirinda gukora ibintu bibi Imana itubuza.Kubera ko bigira ingaruka mbi ku bandi,nawe bitakuretse.Gusa hari igihe urengana,bitewe n’abantu batumvira Imana.Nkuko Yesaya 48,umurongo wa 18 havuga,iyo wumviye Imana ugira amahoro.Iyi si ifite ibibazo kubera ko abantu nyamwinshi bakora ibyo Imana itubuza. Umuti rukumbi nuko abananiye Imana izabarimbura ku munsi wa nyuma nkuko bible ivuga.Nyuma isi yose izaba paradizo. It is a matter of time.

    1 month ago

Inzindi nkuru

Gasabo: Polisi yafunze abantu 20 barenze ku mabwiriza yo kwirinda COVID-19...

Polisi y’u Rwanda yerekanye abantu 20 bafunzwe bazira kurenga ku mabwiriza...
24 May 2020 Yasuwe: 1971 0

Gasabo: Polisi yataye muri yombi abasore 2 bakoraga amafaranga...

Kuri sitasiyo ya Polisi ya Ndera mu karere ka Gasabo hafungiwe abasore...
24 May 2020 Yasuwe: 1153 0

Bugesera: Umusore n’inkumi bafashwe bari kwiba ibitabo by’ikigo cy’amashuli...

Ku bufatanye n’abaturage, kuwa Gatatu tariki ya 20 Gicurasi ahagana saa yine...
22 May 2020 Yasuwe: 2238 0

Urubanza rw’ubujurire rwa ba basirikare 5 n’umusivili umwe bashinjwa ibyaha...

Urukiko rwa gisirikare i Kanombe rwasubitse urubanza mu bujurire ruregwamo...
21 May 2020 Yasuwe: 1558 0

Wa "Mugore" Perezida Kagame yababariye yari yarakatiwe imyaka 10 y’igifungo...

Kuwa Mbere tariki ya 18 Gicurasi 2020 hateranye Inama y’Abaminisitiri...
20 May 2020 Yasuwe: 12439 0

Gakenke: Padiri wa paruwasi ya Mbogo yafunzwe akekwaho gusambanya...

Urwego rw’igihugu rw’Ubugenzacyaha rwatangaje ko rwataye muri yombi mu...
18 May 2020 Yasuwe: 4045 4