skol
Kigali
startimes

Jose Mourinho wabuze umusaruro yasubiye mu murongo wo kwivuga ibigwi

Imyidagaduro   Yanditswe na: Dusingizimana Remy 22 February 2021 Yasuwe: 3953

Umunya Portugal,Jose Mourinho,utoza ikipe ya Tottenham yongeye kujya mu muvumo wo kwivuga ibigwi nyuma y’aho abonye ko atagihagaze neza mu bijyanye no guhesha amakipe ibikombe nkuko yahoze ameze.


Uyu mugabo yaraye atangaje ko akiri umutoza wa mbere ku isi nyuma y’aho ikipe ye itsinzwe na Westham ibitego 2-1,byatumye inasubira inyuma cyane mu rugamba rwo gushaka umwanya wa 4 muri Shampiyona.

Jose Mourinho watangiye uyu mwaka ahabwa amahirwe yo kuba yahesha Tottenham igikombe cya shampiyona iheruka mu myaka irenga 60 ishize, yagiye akura nk’isabune atakaza amanota ku makipe ari hasi cyane byatumye ubu ari ku mwanya wa 9 aho arushwa amanota 9 na Westham iri ku mwanya wa 4.

Nyuma yo gutsindwa ibitego 2-1 na Westham,Mourinho yabajijwe niba uku gutsindwa kutatumye atangira gushidikanya ku mikinire ye,yavuze ko ntaho bihuriye kuko akiri umutoza wa mbere ku isi.

Yagize ati “Oya,Oya,Oya.Zeru.Rimwe na rimwe umusaruro uterwa n’ibintu byinshi biri kubera mu mupira w’amaguru.Njyewe n’abatoza dukorana,imitoreze yacu ntaho ihuriye n’iy’abandi bose ku isi.”

Abajijwe niba ikipe ye iri mu bihe bibi cyane,Mourinho yagize ati “Ntabwo nzi icyo wita “ibihe bibi [cirisis].Niba ibihe bibi ari umujinya n’agahinda mu rwambariro nakwemeza ko aribyo kuko nta n’umwe wishimye muri twe,twanabigaragaje muri uyu mukino.

Iyo ikipe yarwanye nkuko twabigenje uyu munsi kugeza ku isegonda rya nyuma dushaka guhindura ibiva mu mukino,ntabwo ari ibihe bibi ku ikipe.Bavuga ko ikipe iri mu bihe bibi iyo idahurije hamwe mu gushaka umusaruro mwiza kurusha uwo ifite.Ntabwo navuga ko turi mu bihe bibi cyane ahubwo turi mu bihe byo kubura umusaruro.Uko n’ukuri,Turi gutakaza imikino myinshi.”

Umukino uzakurikiraho,Tottenham izahura na Wolfsburger mu mukino wo kwishyura wa 1/32 cya Europa League mu gihe izagaruka muri Premier League ihura na Burnley ku cyumweru.

Mourinho amaze kubona amanota 81 mu mikino 50 amaze gutoza Tottenham,agahigo kabi agize ugereranyije n’aho yatoje hose ariko aracyavuga ko akiri umutoza wa mbere ku isi.

Amanota Mourinho yabonye mu mikino 81 aho yatoje hose:

124 points - Porto
126 - Chelsea (bwa mbere)
113 - Inter
123 - Real Madrid
114 - Chelsea (bwa kabiri)
95 - Man Utd
81 - Spurs

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Amavubi yamaze kwerekeza I Nyamata mu myiteguro yo gushaka itike ya CAN...

Nyuma y’aho umutoza Mashami Vincent ahamagaye abakinnyi 31 bagomba gufasha...
7 March 2021 Yasuwe: 2630 0

Lionel Messi yatoye Perezida wa FC Barcelona ku nshuro ye ya...

Benshi baracyibaza icyihishe inyuma yo kuba umunyabigwi akaba na kapiteni...
7 March 2021 Yasuwe: 3820 0

Igikombe cya CECAFA Rayon Sports yatwaye mu 1998 cyabonetse i...

Ni kenshi abafana ba Rayon Sports bakunda guhiga ubutwari aba APR FC ko...
7 March 2021 Yasuwe: 4214 0

Paris Saint-Germain yiyemeje gushora akayabo mu kugura umukinnyi wa...

Ikipe ya PSG yo mu gihugu cy’Ubufaransa yiyemeje kujya ku isoko muri iyi...
7 March 2021 Yasuwe: 3727 0

Mikel Arteta yavuze kuri Xhaka ukomeje gukora amakosa ashyira mu mazi abira...

Uyu mutoza yavuze ko abakinnyi be Granit Xhaka na Bernd Leno bakina mu...
7 March 2021 Yasuwe: 3526 0

Jack Grealish yahuye n’uruva gusenya ubwo yari atangiye gutereta...

Umukinnyi ukina mu ikipe ya Aston Villa, Jack Grealish muri Premier League,...
7 March 2021 Yasuwe: 3565 0