Rutahizamu Lionel Messi wa FC Barcelona yaguze matela y’akataraboneka ifite agaciro k’ibihumbi 900 FRW yica Coronavirus mu masaha 4 gusa uyiryamyeho.

Sponsored Ad

Iyi matela yica coronavirus yayiguriye umugore we n’abana be ndetse bivugwa ko uyu mukinnyi ari mu bantu ba mbere baguze iyi matela yica Coronavirus.

Ibinyamakuru byo muri Espagne byavuze ko Messi w’imyaka 33 ari mu baguze iyi matela ya Tec Moon yica virusi ya Korona mu masaha 4 gusa.

Iyi kompanyi yamamazwa na Saul Niguez ukinira Atletico Madrid,yagurishije iyi matela kandi Sergio Aguero ukinira Manchester City.

Iyi matela igura amapawundi 900 ifite ubushobozi bw’uko umuntu wanduye Coronavirus iyo ayiryamyeho inzira zose zacamo iyi virus zihita zipfa.

Iyi matela ifite uburyo bwa "Viruclean" buba mu mwenda wayo bwica virus zose ndetse na bakiteri ziwugiyeho.Iyi matela kandi ifite undi mumaro wo gukorera massage ibirenge .

Messi yatanze inkunga zitandukanye mu gufasha abaganga n’ibitaro kwita ku barwayi ba Coronavirus.

Muri Gucurasi uyu mwaka,yatanze ibihumbi 440 by’amapawundi byo gufasha ibitaro kwita ku barwayi ba Covid-19 muri Argentina.

Uyu mukinnyi kandi yemeye kugabanya umushahara we muri FC Barcelona we na bagenzi be kubera igihombo iyi kipe yagize kubera Covid-19.

Matela kizigenza Messi yaguze yo kurinda umuryango we Coronavirus