addresiya
Kigali
startimes

Umubyeyi w’umutoza Pep Guardiola yahitanwe na Coronavirus

Imyidagaduro   Yanditswe na: Dusingizimana Remy 6 April 2020 Yasuwe: 3692

Nyina wa Pep Guardipla, Dolors Sala Carrió w’imyaka 82 yapfiriye mu bitaro byo mu mujyi wa Barcelona azize Corona Virus nkuko byatangajwe n’ikipe ya Manchester City atoza kuri uyu wa Mbere taliki ya 06 Mata 2020.



Ikipe ya Manchester City yashyize hanze itangazo rigira riti “Umuryango wa Manchester City ubabajwe no gutangaza urupfu rwa nyina wa Pep, Dolors Sala Carrio I Manresa mu mujyi wa Barcelona nyuma yo kwandura coronavirus. Yari afite imyaka 82 y’amavuko.Buri wese ufite aho ahuriye n’ikipe yihanganishije Pep,umuryango we n’inshuti ze muri ibi bihe by’akababaro barimo.

Dolors yashyingiranywe na se wa Pep witwa Valentí Guardiola,babyarana abana 4 barimo abakobwa 2 baruta Pep na murumuna we Pere ugurisha abakinnyi.

Uyu mubyeyi yishimiye kubona umuhungu we aba umutoza ukomeye by’umwihariko muri Barcelona yatoje hagati ya 2008 na 2012, aho yatwaye ibikombe bitatu by’irushanwa ry’umupira w’amaguru rya Espanye, La Liga, hamwe n’ibikombe bibiri byo ku mugabane w’Uburayi bihuza amakipe yabaye aya mbere i wayo Ligue des Champions.

Hari hashize iminsi mike uyu mutoza Pep Guardiola atanze miliyoni y’amayero yo gufasha Fundacio Angel Soler Daniel kubona imiti n’ibindi byangombwa byokuvura abarwayi ba Covid-19.

Mu myaka isaga 3 amaze atoza Manchester City yo mu Bwongereza, amaze kwegukana shampiyona ya Premier League inshuro ebyiri zikurikirana, 2017/2018 hamwe na 2018/2019.Yatwaye Carabao cup inshuro 3 zikurikiranya ndetse yanatwaye FC Cup ubushize na Community shield.

Espagne niyo ifite imibare minini y’abanduye iyi virus mu Burayi, ariko amakuru atangwa ubu arerekana ko imibare ubu noneho iri kumanuka.

Imibare itangwa na leta muri Espagne yerekana ko abapfuye ku munsi mu minsi ine ishize bamanutse bakagera kuri 637.

Uyu niwo mubare muto w’abapfuye ku munsi uri hasi mu byumweru hafi bibiri bishize. Kuwa kane ushize nibwo hapfuye abantu benshi ku munsi, 950.

Imibare y’abanduye nayo iri kumanuka bigaragara muri Espagne - abahanga bavuga ko ingamba zo guhagarika ubuzima busanzwe (lockdown) zishobora kuba ziri gutanga umusaruro.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2174 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4394 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3272 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7270 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4859 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5828 1