Mu gihe Premier League iri kwegereza ku musozo,hashyizwe hanze abakinnyi 7 bazavamo umwiza kurusha abandi mu mwaka w’imikino wa 2023/2024.

Sponsored Ad

Abakinnyi babiri ba Manchester City na babiri ba Arsenal bari muri aba barindwi bazatoranywamo "Umukinnyi w’Umwaka muri Premier League".

Icyatangaje benshi n’ukuntu mu batoranyijwe hatarimo kizigenza Rodri ufatiye runini Manchester City,kuko yagaragaje ko ariwe uhetse iyi kipe kurusha abandi.

Abakinnyi batoranyijwe n’ibyo bagendeyeho:

Phil Foden (Man City)

Uyu yakinnye imikino 32,atsinda 22,anganya 7 atsindwa 3.Yatsinze ibitego 18,atanga imipira 8 yavuyemo ibitego.

Uyu munkinnyi w’imyaka 23 yabaye umwe mu bakinnyi beza bakina hagati mu 2023/24. Yagize uruhare runini mu guha amanota menshi Pep Guardiola muri iyi shampiyona, atanga umusanzu mu bitego 26, birimo imikino ibiri yatsinzemo ibitego bitatu. Ikipe ya Manchester City igiye kuba ikipe ya mbere itwaye ibikombe bine bya shampiyona byikurikirana nitsinda imikino itatu yose isigaranye.

Erling Haaland (Man City)

Uyu niwe uyoboye abamaze gutsinda ibitego byinshi muri shampiyona y’uyu mwaka na 25 mu mikino 28 gusa yakinnye ndetse nta gihindutse niwe uzegukana igihembo cya Castrol Golden Boot.

Uyu mukinyi w’imyaka 23 ni umwe mu bakinnyi batatu gusa muri iyi shampiyona bagize uruhare mu bitego 30.

Alexander Isak (Newcastle)

Uyu rutahizamu w’umunya Suwede afite ibitego 21 mu mikino 27 gusa. Isak, ufite imyaka 24, niwe mukinnyi wa mbere wa Newcastle nyuma ya Alan Shearer mu 2002/03, wagize ibitego 20 muri shampiyona y’icyiciro cya mbere, mu gihe aba atsinze igitego mu minota 101.3.Ni uwa kabiri nyuma ya Haaland wa 91.8 mu bakinnyi batsinda cyane.

Martin Odegaard (Arsenal)

Uyu kapiteni wa Arsenal yabaye intangarugero muri iyi shampiyona mu gihe Gunners ikomeje gushakisha igikombe cya shampiyona cya mbere mu myaka 20. Uyu musore w’imyaka 25 yatsinze ibitego umunani, atanga imipira umunani yavuyemo ibitego.Yaremye amahirwe y’ibitego 94,ni uwa kabiri muri shampiyona, mugihe yanafashije iyi kipe mu busatirizi no kotsa igitutu amakipe.

Cole Palmer (Chelsea)

Palmer w’imyaka 22, yagize umwaka mwiza kuri Stamford Bridge nyuma yo kuva muri Man City. Yageze ku gahigo ka Didier Drogba na Frank Lampard muri Chelsea ko gutsindira mu rugo ibitego 16 muri Premier League mu mwaka w’imikino, mu gihe kandi yabaye umukinnyi wa gatatu mu mateka ya PL wageze ku bitego birenga 30 muri shampiyona ya PL afite imyaka 21 cyangwa mike, nyuma ya Robbie Fowler na Chris Sutton.

Declan Rice (Arsenal)

Rice ufite imyaka 25,yari mu mwaka wa mbere muri Arsenal kuva muri West Ham United. Mikel Arteta yamuhinduye umukinnyi mwiza cyane usatira amukuye mu bakina hagati bugarira, agira uruhare mu bitego 15.Uyu n’umwe mu bambuye imipira myinshi ndetse aranayigarura bugarijwe.

Virgil van Dijk (Liverpool)

Uyu mukinnyi ukina inyuma muri Liverpool no mu Buholandi, yagarutse mu bihe byiza ndetse yitwara neza muri shampiyona ya nyuma y’umutoza Jurgen Klopp muri iyi kipe.

Uyu mukinyi w’imyaka 32 aza ku mwanya wa gatatu muri shampiyona mu batanze imipira myiza myinshi kandi yacenzwe inshuro ebyiri gusa muri shampiyona yose.

Ollie Watkins (Aston Villa)

Rutahizamu wa Aston Villa w’imyaka 28,yagize uruhare runini mu bitego byatsinzwe kurusha undi mukinnyi wese muri shampiyona. Ibitego bye 19 bimushyira ku mwanya wa kane mu bamaze gutsinda byinshi mu gihe yatanze imipira 12 yavuyemo ibitego, bimushyira ku mwanya wa mbere mu bazwi nka Playmaker.

Abatoza bazatoranywamo umwiza barimo Mikel Arteta,Androni Iraola,Pep Guardiola,Jurgen Klopp na Unai Emery.