Mu rwego rwo kurushaho kuzirikana Afurika no gushima abakiriya bayo bo kuri uyu mugabane,uruganda rwa SKOL rwamuritse icupa rishya rya SKOL Lager ririho ibirango bihuje n’imico y’Abanyafurika.
Iri cupa rifite isura cyangwa ibirango bishya byahujwe n’imico y’Abanyafurika kubera amateka iki kinyobwa gifitanye na bo dore ko cyatangiye kwengerwa ku mugabane wa Afurika kuva mu 1965.
Umuyobozi w’uru ruganda Thibault Relecom, akaba umwe mu bagize umuryango wa Michel Relecom, wahanze iki kinyobwa cya (...)

Sponsored Ad

Mu rwego rwo kurushaho kuzirikana Afurika no gushima abakiriya bayo bo kuri uyu mugabane,uruganda rwa SKOL rwamuritse icupa rishya rya SKOL Lager ririho ibirango bihuje n’imico y’Abanyafurika.

Iri cupa rifite isura cyangwa ibirango bishya byahujwe n’imico y’Abanyafurika kubera amateka iki kinyobwa gifitanye na bo dore ko cyatangiye kwengerwa ku mugabane wa Afurika kuva mu 1965.

Umuyobozi w’uru ruganda Thibault Relecom, akaba umwe mu bagize umuryango wa Michel Relecom, wahanze iki kinyobwa cya SKOL yatangaje ko SKOL Lager ifitanye amateka akomeye n’Abanyafurika.

Ati “SKOL Brewery Ltd yazanye isura nshya ya SKOL Lager, mu rwego rwo gutanga ikirango n’isura bigezweho y’iki kinyobwa gifite umurage wacyo nyafurika kuva kera muri 1965.”

Marie-Paule Niwemfura, ushinzwe imenyekanisha bikorwa mu ruganda rwa SKOL avuga ko iki gikorwa kigamije gutangiza gahunda nshya yo kumenyekanisha iki kinyobwa kimaze imyaka 58 cyengerwa muri Afurika ubu kiri mu isura nshya isanishwa n’Abanyafurika.

Ati “Ubu gifite isura nshya, ndetse hari n’uburyo bushya bwo kuyishyira mu icupa rigendanwa (Canette) ubu abantu bagiye kubibona ahantu hose."

"Benshi ntabwo bari bazi ko SKOL Lager ari inzoga ifitanye amateka akomeye n’Abanyafurika, uburyohe bwayo bumaze igihe muri Afurika, imyaka 58 si ubusa.”

Niwemfura yavuze ko ibi bikorwa biri mu rwego rwo kwibutsa abakunzi ba SKOL Lager amateka y’iki kinyobwa no kuzana abaguzi bashya bari mu byiciro bitandukanye.

Yakomeje avuga ko hamwe na SKOL Lager, abaguzi bashobora kunywa byuzuye imbaraga z’inzoga ya Lager kuri 5.1% by’ingano ya Alchol, ikaba ifunze mu ngano ya mililitiro 330.

Iyi SKOL Lager iboneka mu buryo bwa 330ml ku mafaranga 500 Frw, 500ml igura 800 Frw hari na 500ml igura amafaranga 1700Frw.

Abakunzi ba SKOL Lager bitabiriye iki gikorwa cyo kumurika iri cupa rishya bahuriye kuri Konvine Boutique Hotel iri Kicukiro ku mugoroba wo ku wa 25 Gashyantare 2023 bataramirwa na Shauku Band na DJ Sonia.

Buri mukunzi wa Skol wese witabiriye iki gikorwa yahawe impano y’ikinyobwa cya Skol Lager kiri mu icupa rigendanwa (Canette) ndetse n’umwambaro wa Skol.

Uru ruganda rusanganywe ku isoko ibindi binyobwa bitarimo umusemburo nka Skol panaché n’ibirimo umusemburo nka Skol Pulse, Skol Malt, Skol 5, Virunga Mist, Virunga Gold, Skol Canette na Skol Select yashyizwe ku isoko mu Ukuboza 2018.

AMAFOTO:IGIHE