Kigali
startimes

Ba minisitiri b’Ubuzima b’u Rwanda na RDC bahuriye I Rubavu baganira ku ngamba zo guhashya Ebola

Amakuru   Yanditswe na: Dusingizimana Remy 6 August 2019 Yasuwe: 1382

Minisitiri w’ Ubuzima w’ u Rwanda Dr Diane Gashumba yahuriye mu karere ka Rubavu n’itsinda ryo muri Repubulika iharanira Demokarasi ya Kongo riyobowe na Minisitiri w’ Ubuzima w’ agateganyo Pierre Kangudia baganira ku ngamba zo gukumira Ebola ngo itinjira mu Rwanda ndetse n’uko yarwanywa igashira muri Kongo.



Minisitiri w’Ubuzima w’u Rwanda, Dr Diane Gashumba yahaye ikaze Pierre Kangudia waraye i Goma avuye i Kinshasa kubera uru ruzinduko

Minisitiri Kangudia yabwiye abanyamakuru ko icyorezo cya Ebola gihangayikishije ubutegetsi bw’igihugu ke ndetse n’Akarere kose ariyo mpamvu biteguye gufatanya n’u Rwanda kugihashya.

Yagize ati “Mwakoze kudutumira, mwakoze kudukangura, nagira ngo mvuge ko icyorezo cya Ebola kitareba gusa, DR.Congo, nticyanabaye gusa ikibazo k’ibihugu byo mu biyaga bigari, ni ikibazo cya buri wese ukibona kugira ngo duhuze imbaraga turwanye iyi ndwara tuyirandure mu buryo bwa vuba, buri wese upfuye azize Virus ya Ebola, urupfu rwe ntirukenewe.”

Dr Diane Gashumba yavuze ko Ebola ireba buri wese, kandi ihangayikishije ubuzima bw’abaturage b’ibihugu byombi ariyo mpamvu hagomba kuganirwa ku ngamba buri wese yafata kugira ngo ikumirwe.

Mu mwaka umwe gusa Ebola imaze guhitana abagera ku 1800 muri DR Congo barimo batatu bapfiriye I Goma hafi y’ umupaka w’u Rwanda gusa Minisiteri y’ Ubuzima mu Rwanda ivuga ko kugeza ubu nta murwayi wa Ebola uragaragara ku butaka bw’ u Rwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ruhango: Abagizi ba nabi batemye imyaka y’uwarokotse Jenoside indi...

Mu ijoro ryo kuri uyu wa 06 rishyira uwa 07 Mata 2020, mu Mudugudu wa...
7 April 2020 Yasuwe: 8279 6

Niringiyimana wakoze umuhanda wa 7Km yakorewe urugomo na bamwe mu baturanyi...

Umunyarwanda witwa Niringiyimana Emmanuel wo mu murenge wa Murambi mu...
20 March 2020 Yasuwe: 11750 4

Video: Umunyamakuru Angeli Mutabaruka wa TV1 avuga ko ubuzima bwe buri mu...

Nyuma y’aho hari abibasiye Angeli Mutabaruka, umunyamakuru wa TV1 kur rubuga...
9 March 2020 Yasuwe: 36417 8

Uganda yashyize mu kato abanyamahanga bane bari bayinjiyemo ibakekaho...

Abanyamahanga bane bari binjiye muri Uganda bahawe akato mu bitaro bya...
2 March 2020 Yasuwe: 4884 0

#Umwiherero 2020: Nubwo Uganda idusaba gufungura imipaka niyo...

Perezida Kagame yavuze ko ikibazo cy’u Rwanda na Uganda cyakomejwe na Uganda...
16 February 2020 Yasuwe: 6219 1

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 18748 4