Kigali

Misitiri Gatete yemeje ko abakozi ba WASAC bakoze amanyanga mu gukora fagitire z’amazi

Amakuru   Yanditswe na: Dusingizimana Remy 26 June 2019 Yasuwe: 2451

Minisitiri w’Ibikorwa Remezo, Amb. Gatete Claver yabwiye abadepite ko abakozi bamwe ba WASAC bakoze amanyanga akomeye bishyuza abaturage amafaranga y’umurengera bitewe ahanini n’ikoranabuhanga ryabo rifite ikibazo.



Amb.Gatete Claver uyobora MININFRA, kuwa 25 Kamena 2019 yabwiye abadepite ko abakozi ba WASAC bakoze amakosa yo kwishyuza abaturage ingano y’amazi batakoresheje, bikaba ari byo byatumye abantu binubira ibiciro bishya.

Minisitiri Gatete yavuze ko impamvu zabateye gukora ibyo zishingiye ku makosa y’ikoranabuhanga z’Ikigo Gishinzwe Amazi, Isuku n’Isukura (WASAC) n’abakozi bacyo, isaba Urwego rw’Igihugu rw’Ubugenzacyaha kubakoraho iperereza.

Yagize ati “Abagenzuzi bacu bagiye mu ikoranabuhanga (system) ryose rya Wasac, twe niho twamenyeye amakosa yari ahari, mu by’ukuri yari afite ingaruka itari nziza kuri twese namwe muri hano.

Twakoranye inama n’abayobozi b’amashami ya Wasac, abakoze ibyo barahanwa n’ubu baracyahanwa kugira ngo turebe ko twakemura ibyo bibazo. Ubu ugiye ku ivomero rusange uhasanga icyapa kivuga ko ijerekani idakwiye kurenza 20Frw, nirenga utelefone 3535.

Ibyo birangiye nibwo twiyambaje RIB kuko twasanze hari ibintu bikorwa mu buryo budafututse, ndetse hari n’abantu batishyuzwa tutazi n’impamvu yabyo. Ubu RIB irimo irakora iperereza kugira ngo tugere ku mizi y’ikibazo, turebe uko twagikemura.”

Amb.Gatete yavuze ko hari n’abandi basanze batishyuza abafatabuguzi bikamara igihe kirekire ndetse hakaba n’abandi bakozi mu gukora fagitire bavangaga igiciro gishya n’icya kera.

Minisitiri Gatete yavuze ko ubu basabye Ikigo gishinzwe Ikoranabuhanga mu Itumanaho n’Isakazabumenyi (RISA) ko cyagenzura iyi sisiteme ya WASAC kugira ngo ibibazo bibashe gukemuka.

Minisitiri Gatete yavuze ko abantu bose babariwe nabi muri icyo gihe bazarenganurwa, anabasaba kwihutira kujyana inyemezabwishyu kuri WASAC.

Yagize ati “Kimwe mu byo turimo dukora ubu ni ukugira ngo n’abaturage babariwe nabi, bakaba bafite inyemezabwishyu zihenze zitarabazwe neza, bazisubize kuri Wasac, babahe iz’ukuri, zitari za zindi babahaye. Ibi ntabwo ari ubwumvikane kuko ntabwo twakwifuza ko umuturage ariwe ugira icyo gihombo.”

Guverinoma y’u Rwanda ifite gahunda ko mu mwaka wa 2024, Abanyarwanda bose bazaba bafite amazi meza, aho yiyemeje kongera ingano y’atunganywa ku munsi akava kuri metero kibe 182,120 mu 2017 akagera kuri metero kibe 303,120 muri uwo mwaka.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble Paul

    none se ari rura na wasac habanje nde???noneho njye ndumva bareba no muri mudasobwa za rura.twe ntitwumva impamvu rura nayo itari kuvugwa hano kuko ari nayo yagiye kuri television ikabitwemeza.nimutubwire no kuri rura aho ihagaze

    June 2019
  • chat_bubble manzi

    ubu ko amakosa yose muyegetse kuri WASAC? RURA uruhare rwayo kuki murwirengagije? erega si mumazi gusa? no muri REG naho harimo ikibazo! ese RURA Ishinzwe kurengera inyungu za Leta cg nizumuturage?

    June 2019

Inzindi nkuru

Umugabo wa Senateri Mureshyankwano ari mu baguye mu mpanuka yabereye...

Umugabo wa Senateri Mureshyankwano Marie Rose witwa Ngendahayo Edouard ari...
13 February 2020 Yasuwe: 13581 2

Dushobora no gukora n’inama igihumbi ikibazo kidakemuka –Amb. Nduhungirehe ku...

Umunyamabanga wa Leta y’u Rwanda muri Minisiteri y’ububanyi n’amahanga, Amb....
3 February 2020 Yasuwe: 3529 2

Dore ibihugu 10 bifite umwihariko mu kwizihiza ivuka rya Yezu/Yesu

Ku itariki25 Ukuboza buri mwaka, ibihugu byinshi ku isi dutuye byizihiza...
25 December 2019 Yasuwe: 7265 1

Koreya ya Ruguru yagerageje ikindi gisasu cya kirimbuzi mu rwego rwo...

Ikinyamakuru cya Leta ya Koreya ya ruguru cyatangaje ko iki gihugu...
14 December 2019 Yasuwe: 5014 2

Iburengerazuba: Ngororero yabonye amanota 10% mu gihe Rubavu yabaye iya...

Umuvunyi Mukuru, Anastase Murekezi yashimye Akarere ka Rubavu kubera...
2 December 2019 Yasuwe: 3189 1

Umujyi wa Kigali wiyemeje kutazongera kwimura abantu kubera ko batuye mu...

Ubuyobozi bw’Umujyi wa Kigali bwemeje ko nta muturage uzongera kwimurwa aho...
26 November 2019 Yasuwe: 10653 1