Ababuriye ababo mu mpanuka y’indege ya Ethiopian Airlines babwiwe ko bazahabwa indishyi z’akababaro zitangana nyuma y’umuhango wo kwibuka [AMAFOTO]

Amakuru   Yanditswe na: Dusingizimana Remy 17 March 2019 Yasuwe: 7291

Bene wabo w’abaguye mu mpanuka y’indege ya Ethiopian Airlines bemerewe indishyi z’akababaro ziri hagati ya miliyoni 160 na 250 z’amafaranga y’u Rwanda nyuma y’umuhango wo kwibuka, iyi miryango imaze iminsi ikorera aho iyi ndege yakoreye impanuka,mu gitondo cyo kuwa 10 Werurwe 2019 mu gace kitwa Bishoftu ko mu majyepfo ya Addis Ababa.



Ikinyamakuru Daily Nation cyo muri Kenya cyatangaje ko ababuriye ababo muri iyi mpanuka ya Ethiopian Airlines bazahabwa izi ndishyi bitewe n’amabwiriza mpuzamahanga yo gutanga indishyi.

Aba bantu babuze ababo babwiwe ko bazahabwa indishyi bigendeye ku masezerano ya Montreal agenga indishyi zigomba guhabwa imiryango y’abahitanywe n’indege aho bareba imyaka,akazi n’ubuzima umuntu yari abayemo.

Lucas Nzioka watakaje mubyara we muri iyi ndege yatangaje ko nyuma y’umuhango wo kwibuka bakoze ku munsi w’ejo,abayobozi ba Ethiopian Airlines batigeze batangaza umubare nyawo w’indishyi z’akababaro bazabaha ariko ngo ni hagati y’ibihumbi 170 na 250 by’amadolari.



Yagize ati “Batubwiye ko bazaduha indishyi iri hagati y’ibihumbi 170 na 250 by’amadolari bitewe n’imyaka y’abacu baguye mu ndege,akazi bakoraga n’ibindi.Bizakorwa mu gihe kingana n’amezi 18.”

Abahanga mu gushakisha ibisigazwa by’ahabereye impanuka (Forensic),bakusanyije imyambaro,n’ibice by’imibiri y’abari muri iyi ndege ya Boeing 737 Max 8 bisaga ibihumbi 5000 bigomba gusuzumwa bigashyikirizwa imiryango y aba Nyakwigendera.

Buri kompanyi y’indege iba yarateganyije ubwishingizi kuri buri mugenzi uyigendamo igera ku bihumbi 170 by’amadolari,bityo akazahabwa imwe mu miryango gusa biremewe ko utishimiye indishyi arega Ethiopian Arlines agahabwa menshi kurushaho.



Ethiopian Airlines yishyuriye imiryango yose y’ababuze ababo amatike y’indege,amahoteli n’ibindi bakeneye muri uyu muhango wo kwibuka umuze icyumweru ukorerwa muri aka gace ka Bishoftu ahabereye impanuka.











Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Covid-19:Muri Nigeria abadepite bemeye kudahembwa

Abadepite bo muri Nigeria bemeye gukatwa imishahara yabo y’amezi abiri...
1 April 2020 Yasuwe: 600 0

Abantu babarirwa hagati ya 100, 000 na 200, 000 bashobora guhitanwa na...

Perezida wa Leta zunze ubumwe za Amerika, Donald Trump yatangaje ko abantu...
31 March 2020 Yasuwe: 2443 0

Ubwoba bwa Coronavirus bwatumye abaturage muri Amerika biba...

Mu gihe ibihugu hirya no hino ku Isi bihangayikishijwe n’icyoerzo cya...
30 March 2020 Yasuwe: 5026 1

Covid-19:Muri Uganda abaturage Batangiye Kwiba Ibyo Kurya

Kuri uyu wa kane mu masaha ya nyuma ya saa sita, polisi yatangaje ko abantu...
29 March 2020 Yasuwe: 5028 0

Abanyarwanda 342 birukanwe muri Uganda bashinjwa kuba aribo ngo babanduje...

Abanyarwanda bakomeje kwirukanwa muri Uganda, aho kuri ubu 342 bakoreraga...
28 March 2020 Yasuwe: 2044 0

Covid-19:Umupadiri muri Uganda yabaye yicukuriye imva bazamuhambamo

Umupadiri w’Umutaliyani uba mu gihugu cya Uganda kuri Paruwasi Katolike ya...
28 March 2020 Yasuwe: 6204 0