Afghanistan: Umwiyahuzi yaturikirije igisasu mu bukwe gihitana abantu 63 abarenga 180 barakomereka

Amakuru   Yanditswe na: Dusingizimana Remy 18 August 2019 Yasuwe: 820

Igisasu cyaturikiye mu bukwe bwaberaga i Kabul mu murwa mukuru wa Afghanistani gihitana abantu 63 naho abarenga 180 barakomereka.



Ababibonye babwiye BBC ko umwiyahuzi yaturikije ibintu biturika ubwo ubukwe bwari buri kuba.

Ibyo byabaye ejo ku wa gatandatu nyuma gato ya saa yine na 40 z’ijoro ku isaha y’i Kabul, mu gace k’uburengerazuba bw’uyu mujyi gatuwe cyane n’abayisilamu b’aba Shia.

Umutwe w’Abatalibani wahakanye ko atari wo wagabye icyo gitero. Nta wundi mutwe wari wigamba icyo gitero.

Mu bihe bishize, intagondwa z’abayisilamu b’aba Sunni, barimo n’Abatalibani n’umutwe wiyita leta ya kisilamu, bakomeje kugenda bibasira ba nyamucye b’aba Shia Hazara muri Afghanistani na Pakistani.

Minisitiri w’ubutegetsi bw’igihugu wa Afghanistani yemeje uwo mubare w’abishwe hashize amasaha icyo gitero kibaye.

Amafoto yo ku mbuga nkoranyambaga agaragaza imirambo inyanyagiye mu cyumba (’salle’) ubwo bukwe bwaberagamo, mu gihe ameza n’intebe byari byahirimye.

Aha muri Afghanistani, ubukwe bukunze gutahwa n’abashyitsi babarirwa muri za magana, bagateranira muri za ’salles’ aho akenshi abagabo bicara ukwabo batandukanye n’abagore n’abana.

Mohammad Farhag wari watashye ubwo bukwe yavuze ko yari anyarukiye aho abagore bicara ubwo yumvaga ikintu giturika bikomeye mu gice cyicaramo abagabo.

Yabwiye ibiro ntaramakuru AFP ati: "Buri muntu wese yirukiye hanze atera hejuru kandi arira.

Mu gihe cy’iminota igera hafi kuri 20, ’salle’ yari yuzuyemo umwotsi. Hafi buri muntu wari wicaye mu gice cy’abagabo yapfuye cyangwa yakomeretse. Ubu, nyuma y’amasaha abiri igisasu gituritse, baracyakura imirambo muri ’salle’".

Sayed Agha Shah, umuseriveri (’serveur’) wari uri muri ubwo bukwe, yavuze ko "buri muntu wese yari arimo kwiruka" nyuma yo guturika kw’icyo gisasu.

Yongeyeho ati: "Benshi mu baseriveri bagenzi banjye bapfuye cyangwa barakomereka".


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kenya igiye gukora ikintu gisekeje ku myenda y’Abapolisi mu rwego rwo...

Leta ya Kenya biravugwa ko igiye gufata ingamba zo gukura imifuka ku myenda...
24 February 2020 Yasuwe: 1718 0

Umwarimukazi wo muri Uganda watutse Perezida Museveni yagizwe...

Umwarimukazi wa kaminuza muri Uganda, DR Stella Nyanzi yatsinze urubanza...
23 February 2020 Yasuwe: 1469 0

Minisitiri w’Intebe Thabane wishe umugore we ntiyitabye urukiko

Minisitiri w’intebe wa Lesotho,Thomas Thabane wagombaga kwitaba urukiko ejo...
22 February 2020 Yasuwe: 1401 0

Umugore yahuye n’uruva gusenya nyuma y’aho umugabo we amenye neza ko abana 3...

Mu gihugu cya Nigeria, umugore n’umugabo batatangajwe amazina bari mu...
20 February 2020 Yasuwe: 9944 1

Umutsima umukobwa yakoreshereje umusore bakundana waciye ibintu...

Isi turimo irikumuvuduko udasanzwe kuburyo buriwese asigaye ashaka guhanga...
20 February 2020 Yasuwe: 7859 0

Umukinnyi wa Rugby n’abana be 3 bahiriye mu mpanuka barapfa umugore we...

Mu gitondo cy’ejo kuwa Gatatu tariki ya 19 Gashyantare 2020, inkuri...
20 February 2020 Yasuwe: 3423 1