startimes

Beni: Abaturage batangiye kwica ingabo zabo bazitiranyije n’inyeshyamba z’ umutwe wa ADF

Amakuru   Yanditswe na: Dusingizimana Remy 4 December 2019 Yasuwe: 1607

Abaturage batuye mu gace ka Beni muri RDC batangiye kwica ingabo zabo bazitiranyije n’inyeshyamba zo mu mutwe wa ADF ukomoka muri Uganda zikomeza kubica ubutitsa.



Amakuru aravuga ko guhera ku cyumweru gishize,abasirikare umunani ba FARDC bamaze kwicwa n’abaturage mu gace ka Beni honyine.

Umuvugizi wa FARDC,Gen Leon Kasoonga yamaganye ibyo bikorwa byakorewe abasirikare babaga bitiranyijwe n’abarwanyi ba ADFavuga ko kutumva uburenganzira bw’umuntu ari yo ntandaro y’urupfu rw’abasirikare umunani ba leta bamaze kwicwa mu minsi itatu bishwe n’abaturage.

Gen. Kasonga ati: “Hari ukumva nabi uburenganzira bwa buri muntu. Iyo wumva nabi uburenganzira bw’umuntu ubuza undi muntu kwishimira uburenganzira bwe.”

Ku itariki 29 Ugushyingo, umusirikare yishwe n’abaturage mu gace ka Mabasele, mu burengerazuba bw’Umujyi wa Oicha, muri Teritwari ya Beni.

Undi musirikare n’umugore we bitiranyijwe n’inyeshyamba za ADF, bari mu modoka ya gisivili, bibaviramo kwicwa kuwa Gatandatu ushize, yishwe n’insoresore zariye karungu mu gace ka Mabakanga, aho bategera tagisi, mu Mujyi wa Beni.

Mu rwego rwo kurangiza ibi bikorwa nk’uko iyi nkuru dukesha Actualite.cd ikomeza ivuga, igisirikare cyatangaje ko cyashyizeho numero ya telephone abaturage bajya bitabaza igihe baba baketseho umuntu kuba inyeshyamba.

Inyeshyamba za ADF zatangiye kwica abaturage abaturage bo mu gace ka Beni mu ntangiriro z’Ugushyingo zikoresheje intwaro gakondo n’imbunda,nyuma y’aho FARDC izigabiyeho ibitero ku birindiro byazo ikica nyinshi.

Biravugwa ko abasivile barenga ijana bamaze kwicwa n’izi nyeshyamba zo muri Uganda ariyo mpamvu abarimo urubyiruko bakomeje kwirwanaho ndetse kwica abakekwaho kuba muri ADF.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Reba inkuru yakoze ku mutima abantu benshi y’umugabo n’umugore b’abasazi...

Umugabo witwa Olaide Olakiitan Oluwayemisi yatangaje uburyo yakozwe ku...
10 July 2020 Yasuwe: 7668 1

Umugore waguwe gitumo n’umugabo we arimo asambana na Pasiteri yatinyutse...

Jane Omwaga, umugore wo muri Kenya waguwe gitumo n’umugabo we ubwo yari...
10 July 2020 Yasuwe: 6450 1

Abarinda Perezida Kenyatta basabwe kurekera gukoresha ibiyobyabwenge

Umuyobozi mukuru w’itsinda rishinzwe kurinda umutekano wa Perezida Uhuru...
9 July 2020 Yasuwe: 2747 0

Umugabo yatse gatanya kubera ko umugore we yavuze ko Ronaldo arenze...

Umugabo n’umugore bitwa Arsen na Lyudmila bakundanye mu gikombe cy’Isi 2002...
9 July 2020 Yasuwe: 1653 0

Covid-19: U Rwanda ruri mu bihugu 4 byo muri Afurika bitemerewe kugirira...

Mu gihe icyorezo Covid-19 gikomeje kuvuza ubuhuha ku Isi, Ububiligi...
9 July 2020 Yasuwe: 6331 0

Abarundi bari mu nkambi ya Uvira barenda kwicwa n’inzara

Abarundi bari mu buhingiro muri Congo-Kinshasa mu gace ka Uvira mu nkambi...
8 July 2020 Yasuwe: 1090 0