Burundi : Muri miliyoni 11, 8 barwaye Malariya muri 2016

Amakuru   Yanditswe na: 14 March 2017 Yasuwe: 462

Leta y’ u Burundi yatangaje ko icyo gihugu cyugarijwe n’ icyorezo cy’ indwara ya Malariya, aho abarenga 72%. Iyo ivuga ko hakwiye ingamba zo guhangana n’ iyo ndwara zirimo no kuvura abantu benshi ku buntu.

Minisiteri y’ Ubuzima muri icyo gihugu ivuga ko uduce twugarijwe cyane ari uduce two mu majyaruguru n’ igice cy’ iburasirazuba.

Ibikorwa byo guhangana n’ icyo kiza bibarirwa muri miliyoni 31 z’ amadorali y’ Amerika.

Bivugwa ko icyatumye umubare w’ Abarundi barwaye malariya wiyongera ari uko igihingwa cy’ umuceri gisigaye gihingwa ku misozi imwe n’ imwe y’ icyo gihugu. Uretse iyo mpamvu kandi hiyongeraho n’ ihindagurika ry’ ibihe.

BBC dukesha iyi nkuru yanditse ko guhera muri 2013 aribwo umubare w’ abarwaye iyo ndwara watangiye kuzamuka.

Abahanga bavuga ko indwara yabaye ikiza iyo umubare w’ abayirwaye wikubye inshuro zirenga ebyiri.

Muri miliyoni 11 z’ abaturage batuye u Burundi abagera kuri miliyoni 8 barwaye indwara ya malariya mu mwaka ushize wa 2016.

Icyo kiza cya malariya kije kiyongera ku nzara imaze iminsi ivugwa muri icyo gihugu. Mu ntangiriro z’ uyu mwaka, Umuryango w’ abibumbye watangaje ko Abarundi bagera kuri miliyoni 3 bugarijwe n’ inzara ku buryo bakeneye miliyoni 73 z’ amadorali y’ Amerika.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Icyamamare mu gukina filime cyahitanywe n’impanuka

Icyamamare mu gukina filimi Jessica Falkholt gikomoka muri Australia,...
17 January 2018 Yasuwe: 404 0

Trump yavuze ko ibyo aherutse kuvuga ku Banyafurika atari amacakubiri

Perezida wa Leta zunze ubumwe z’ Amerika Donald Trump yarahiye arirenga...
15 January 2018 Yasuwe: 664 2

Abagore bakomeje guhitanwa n’ubukonje kubera kubuzwa kubana n’abantu mu gihe...

Mu gihugu cya Nepal haravugwa urupfu rw’umukobwa w’imyaka 21 uherutse...
14 January 2018 Yasuwe: 1418 0

Steven Seagal yongeye gushinjwa icyaha cyo gufata ku ngufu abagore

Umugore witwa Regina Simons yashinje icyamamare mu gukina amafilimi cyitwa...
13 January 2018 Yasuwe: 129 0

Umuyobozi w’abayisilamu yafashwe agiye gukorera ubutinganyi umwana w’imyaka...

Umuyobozi wa rimwe mu itorero ry’abayisiramu (Imam) ryo mu Bwongereza mu...
13 January 2018 Yasuwe: 329 0

Ibyamamare byatutse Trump wise ibihugu by’Afurika na Haiti imisarani

Bimwe mu byamamare bitandukanye ku isi byagaragaje ko byababajwe n’amagambo...
13 January 2018 Yasuwe: 583 0