Perezida wa Tanzania John Pombe Maghufuli yirukanye mu kazi Dr Mwele Malecela, watangaje ko muri iki gihugu hari abaturage banduye Virus ya Zika.
Ku wa kane tariki 15 Ukuboza 2016 nibwo Umuyobozi Mukuru w’ikigo cy’ubushakashatsi bw’indwara zibasira abantu muri Tanzania, (NIMR), Dr Mwele Malecela, yatangaje ko muri Tanzania habonetse indwara ya Zika.
Kuri ubu amakuru aturuka muri Perezidansi ya Tanzania aravuga ko Dr Mwele yamaze kweguzwa ndetse harimo gutegurwa uburyo bwo kumusimbuza.
BBC (...)

Sponsored Ad

Perezida wa Tanzania John Pombe Maghufuli yirukanye mu kazi Dr Mwele Malecela, watangaje ko muri iki gihugu hari abaturage banduye Virus ya Zika.

Ku wa kane tariki 15 Ukuboza 2016 nibwo Umuyobozi Mukuru w’ikigo cy’ubushakashatsi bw’indwara zibasira abantu muri Tanzania, (NIMR), Dr Mwele Malecela, yatangaje ko muri Tanzania habonetse indwara ya Zika.

Kuri ubu amakuru aturuka muri Perezidansi ya Tanzania aravuga ko Dr Mwele yamaze kweguzwa ndetse harimo gutegurwa uburyo bwo kumusimbuza.

BBC yatangaje iyi nkuru ivuga ko itangazo Perezidansi yashyize ahagaragara ritavuga neza impamvu yo kwirukanwa kwa Malecela. Gusa bibaye nyuma y’umunsi umwe atangaje ko muri Tanzania hari indwara ya Zika.

Itangazo rya Perezidansi rigira riti “Itorwa ry’Umuyobozi mukuru wa NIMR uje gusimbura Mwele Malecela riratangazwa vuba aha”.

Gusa hari amakuru avuga ko yagiranye amakimbirane na Minisiteri y’Ubuzima ku byerekeye Virusi ya Zika muri Tanzania.

Ku wa kane nibwo yatangaje ko muri Tanzania hari iyo virusi ariko nyuma yo kubona ko iyo nkuru yasakaye mu binyamakuru bitandukanye, Minisitiri w’Ubuzima Ummy Mwalimu yahise atangaza amakuru abihakana.

Dr Mwele yari yatangaje ko iyo virusi yabonotse mu ntara ya Morogoro, mu burasirazuba bwa Tanzania, no mu ntara ya Geita iri mu majyaruguru.

Yatangaje ko iyo virusi yavumbuwe mu bushakashatsi bwakozwe bagasanga muri utwo duce byorohera kwiyongera kw’umubu wa Zika.

Mu bantu 533 basuzumwe muri ubwo bushakashatsi, ngo 15,6% basanganwe iyo virusi.

Itangazo rya Minisiteri y’Ubuzima ryo rivuga ko bitaremezwa ko iyo ndwara itarinjira muri Tanzania kandi ko abaturage badakwiye kugira ubwoba.

Iyo Minisitiri inatangaza ko ibyakozwe na NIMR byari ukugerageza ibipimo bishya bya Zika. Yongeyeho ko hagitegerejwe gukorwa ubushakashatsi bwimbitse ku biherutse gutangazwa n’Umuryango Mpuzamahanga wita Kubuzima OMS.