startimes
startimes

Uganda: Kizza Besigye wakubiswe amazi menshi na Polisi mbere y’uko imufata yarekuwe asohoka anenga ubutegetsi

Amakuru   Yanditswe na: Dusingizimana Remy 5 November 2019 Yasuwe: 3947

Kizza Besigye utavuga rumwe n’ubutegetsi bwa Uganda yatangaje ubutumwa kuri Twitter avuga ko ubu yarekuwe nyuma yo gutabwa muri yombi ejo ku wa mbere.


Sponsored Ad


Bwana Besigye yavuze ko ameze neza ndetse ashimira abantu bamushyigikiye muri icyo gihe yamaze afunze, ariko avuga ko uko yari amerewe ari "ihonyorwa rikomeye ry’uburenganzira bwa muntu".

Muri weekend ishize,Besigye yari yaherekeje umugore we Winnie Byanyima i Geneve aho yagiye gutangira imirimo mishya nk’umuyobozi w’ishami ry’umuryango w’abibumbye ryo kurwanya SIDA, UNAIDS nk’uko uyu muryango wabigaragaje ku mbuga nkoranyambaga.

Biboneka ko Besigye, wigeze kuba umuganga bwite wa Perezida Museceni, yahise agaruka muri Uganda gukomeza ibikorwa bye bya politiki.

Polisi yataye muri yombi Besigye nyuma yo kumushinja guparika imodoka ye hagati mu muhanda akabangamira abandi bakoresha uwo muhanda wo mu murwa mukuru Kampala.

Ariko umwe mu banyamakuru bo muri Uganda yavuze ko Besigye ukuriye ishyaka Forum for Democratic Change (FDC) - yari mu nzira agiye kugeza ijambo ku mbaga y’abamushyigikiye ubwo polisi yamutaga muri yombi.

Polisi ihita imena ikirahuri cy’imbere cy’imodoka ye, ikamusohoramo igahita imuta muri yombi, nkuko byatangajwe n’ikinyamakuru Daily Monitor cyo muri Uganda kitegamiye kuri leta.

Ku mbuga nkoranyambaga, hari guhererekanywa videwo igaragaza Bwana Besigye arundumurirwaho amazi menshi na polisi.

Mu kwezi kwa gatanu uyu mwaka, Bwana Besigye na depite Bobi Wine bemeje ko bishyize hamwe ngo bazahigike Perezida Yoweri Museveni, uri ku butegetsi guhera mu 1986.

Amatora ya perezida muri Uganda ateganyijwe kuba mu mwaka wa 2021.




Ubutumwa bwa Besigye nyuma yo kuva muri Gereza

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abacamanza 2 muri 64 baherutse guhabwa inshingano bigometse kuri Perezida...

Kuri uyu wa 4 Kanama 2020, Perezida Tshisekedi yarahije abacamanza...
7 August 2020 Yasuwe: 84 0

Umukozi wo muri hoteli yatwikishije shebuja amazi ashyushye

Abantu batunguwe nyuma yuko umukobwa wari umaze igihe gito ahawe akazi ko...
7 August 2020 Yasuwe: 383 0

Reba imijyi 10 myiza cyane muri Afurika muri 2020 irimo na Kigali[AMAFOTO]

Amakimbirane, ubukene, indwara n’inzara byerekana agace gato ka Afurika,...
7 August 2020 Yasuwe: 322 0

Uruganda rukora imodoka rwasabye imbabazi kubera ifoto yamamaza umwana ari...

Uruganda rukora imodoka rwo mu Budage rwasabye imbabazi kubera ifoto...
6 August 2020 Yasuwe: 2164 0

Umugabo yaguye mu kantu nyuma yo gusoma ikiganiro cya WhatsApp hagati...

Umugabo wubatse wafashe umugore we amuca inyuma n’umuhungu abereye muka se...
5 August 2020 Yasuwe: 16688 0

Umugabo n’umukunzi we baguye mu kimwaro no gukorwa n’isoni nyuma yo guhatirwa...

Umugabo ukomoka i Harare muri Zimbabwe, Thulani Dhlamini, yaguye mu kimwaro...
5 August 2020 Yasuwe: 6263 0