skol
Kigali
startimes

Burundi: Perezida Ndayishimiye yashyizeho ibihano bikarishye ku bakozi banyereza umutungo wa Leta

Amakuru   Yanditswe na: Dusingizimana Remy 22 November 2020 Yasuwe: 3583

Perezida Evariste Ndayishimiye w’u Burundi yatangaje ko umukozi wa leta uzahamwa n’icyaha cyo kunyereza umutungo w’igihugu atazongera kubona akazi mu Burundi ndetse n’imitungo ye izagurishwa kugira ngo arihe ibyo yibye.


Ibi yabivugiye mu ntara ya Karusi ejo ku wa gatandatu mu birori byo gusozi icyumweru cyahariwe umurwanyi gitegurwa n’ishyaka riri ku butegetsi mu Burundi CNDD-FDD.

Mu ijambo yagejeje ku Barundi, Perezida Ndayishimiye yahamagariye abaturage bose kuba maso kugira ngo bafate abiba umutungo w’igihugu.

Ubwo yarahiriraga kuyobora u Burundi ku wa 30/06 uyu mwaka, Perezida Ndayishimiye yatangaje ko kimwe mu bikorwa agiye kwihutira ari ukurwanya abanyereza umutungo w’igihugu n’abarya ruswa.

Mu ijambo rye, Perezida Ndayishimiye yavuze ko atumva uburyo umukozi wa leta yakwiba umutungo w’igihugu hanyuma agashaka guhembwa na leta.

Avuga ko uzashinjwa ubujura, gusesagura umutungo w’igihugu no kurya ruswa azashyirwa "mu gitabo cyirabura ntazongere kubona akazi mu Burundi.

Uretse kwirukanwa mu kazi,Perezida Ndayishimiye avuga ko uzahamwa n’iki cyaha bazagurisha imitungo ye kugira ngo arihe ibyo yibye.

Ati: "Umuntu wese azoba yagirizwa kwiba itunga ry’Abarundi tuzogurisha ivyiwe amahera yivye asubire mu kigega".

"Azopfungwa yongere agarukane ivy’abenegihugu yivye ... none ga yemwe, kuva kera na rindi, umuntu amenje mu gihugu ntibamunyaga urukombamazi?"

Ku bwe, na kera uwahemutse baramunyagaga,bakanamwangaza ntabe acyitwa Umurundi.

Mu mpera z’ukwezi kwa cyenda ubwo Ndayishimiye yari yujuje iminsi ijana ageze ku butegetsi, ishyirahamwe Olucome ryavuze ko nta kintu kinini yari yagakoze muri icyo gice.

Gabriel Rupfiri uyobora iri shyirahamwe yabwiye BBC ko babona ko hari abanyereza umutungo w’igihugu bari "ku ruhande rwe n’abari muri leta", akabona ko bizamugora ko ashobora gutera intambwe.

Ndayishimiye yavuze ko azi ko hari bamwe mu bayoboye igihugu bashobora kutishimira ibyo yavuze, ati: "Ndazi y’uko indongozi mutabikomera amashi".

Avuga ko atazatinya kwitandukanya n’uzarenga ku byo yemereye abanyagihugu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abasirikare bakoze ku mabere y’umugore wa Bobi Wine ubwo yari afungiye mu...

Umunyapolitiki Robert Kyagulanyi Ssentamu (Bobi Wine) utavuga rumwe...
28 January 2021 Yasuwe: 4380 0

Bobi Wine yarekuwe ajya hanze nyuma y’iminsi 10 afungiwe mu rugo...

Ku nshuro ya mbere kuva tariki 14 z’ukwezi kwa mbere umunsi wabayeho...
26 January 2021 Yasuwe: 5342 0

Perezida Ndayishimiye yahishuye ko u Burundi n’u Rwanda bigiye kubana neza...

Nyuma yo gutorwa k’umunyamabanga mukuru mushya w’ishyaka riri ku butegetsi mu...
25 January 2021 Yasuwe: 5421 0

Abavuye muri Tanzania na DR Congo ntibemerewe kwinjira muri UK kubera...

Ubwongereza bwatangaje ingingo ibuza abagenzi bose bavuye muri Tanzania na...
22 January 2021 Yasuwe: 3259 0

Joe Biden yinjiye bwa mbere muri White House ahita akora impinduka...

Nyuma y’amasaha make Joe Biden arahiye,Joe Biden yahise yerekeza muri White...
21 January 2021 Yasuwe: 6261 1

Joe Biden yarahiye ku mugaragaro aba Perezida wa 46 wa US

Joe Biden amaze kurahirira kuba Perezida wa 46 wa Leta Zunze Ubumwe za...
20 January 2021 Yasuwe: 4428 0