Kigali

Mkapa ibibazo by’ Abarundi byamunaniye agapira agahereza Abaprezida bo mu karere

Amakuru   Yanditswe na: Nsanzimana Ernest 2 November 2018 Yasuwe: 1067

Uwahoze ari Perezida wa Tanzania Benjamin Mkapa wari umuhuza mu bibazo by’ Abarundi yavuze ko ahasigaye ari aha abakuru b’ ibihugu byo mu karere kuko ibiganiro nta cyo byagezeho.

Yabitangaje nyuma y’ aho ibiganiro bya 5 byarangiye bikarangira nta kigezweho mu batavugarumwe n’ ubutegetsi bw’Uburundi.

Ibi biganiro byasojwe mu ntangiro z’ iki cyumweru byari bifite intego yo kwiga ku myiteguro y’ amatora ya Perezida w’ u Burundi yimirijwe imbere. Aya matora Perezida Pierre Nkurunziza yamaze gutangaza ko ataziyamamazamo.

Ibi biganiro bimaze imyaka 3 bitangiye kuko byatangiye muri 2015. Ubutegetsi bwa Nkurunziza bwagiye bunaniza umuhuza Mkapa kuko inshuro nyinshi bwangaga kubyitabira. Mu biganiro biheruka byagombaga gutangira ku wa Kane w’ icyumweru cyashize ariko byatangiye ku wa Gatanu kubera gutegereza ko uruhande ruri ku butegetsi rwitabira. Gusa byarangiye n’ ubundi banze kwitabira ngo bari mu cyunamo kizamara ukwezi.

Ku wa Mbere tariki 29 nibwo Mkapa yatangaje ko ibiganiro by’ Abarundi yari amaze imyaka 3 ahagarariye nk’ umuhuza bisojwe ku mugaragaro.

Yavuze ko agiye gutegura raporo azashyikiriza umuhuza mukuru Perezida wa Uganda Yoweri Kaguta Museveni. Mkapa yavuze ko umwanzuro kukigomba gukurikiraho uzafatwa n’ abakuru b’ ibihugu bigize Umuryango wa Afurika y’ Iburasirazuba EAC.

Mkapa yavuze ko abakuru b’ ibihugu batamufashije ubwo yari umuhuza mu biganiro by’ Abarundi gusa nta gihugu yatunze urutoki.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyuma y’igihe kitari gito Internet yarahagaritswe gukoreshwa muri DRC...

Muri Repubulika iharanira Demokarasi ya Congo, hongeye gusubizwaho...
20 January 2019 Yasuwe: 617 0

Madame Louse Mushikiwabo yagize icyo asaba Abanyepolitiki ba...

Umunyamabanga Mukuru w’Umuryango mpuzamahanga w’ibihugu bivuga ururimi rw’...
11 January 2019 Yasuwe: 2869 0

Perezida Kagame n’umufasha we ’Jeanette Kagame’ bambitswe imidali...

Ku mugoroba wo kuri uyu wa Gatatu, i Abidjan muri Côte d’Ivoire, Perezida...
20 December 2018 Yasuwe: 7362 0

Birangiye u Burundi bugiye kwitabira inama ya 20 y’abakuru b’ibihugu bigize...

Leta y’u Burundi yemeye ko izitabira Inama ya 20 y’Abakurub’Ibihugu bigize...
16 December 2018 Yasuwe: 5923 0

Amerika irashinja Ubushinwa n’Uburusiya kubohera Afurika mu madeni

Leta Zunze Ubumwe za Amerika zatangaje ko zigiye kureka ibikorwa...
14 December 2018 Yasuwe: 1724 0

Kongo: Komisiyo y’ amatora yafashwe n’ inkongi hasigaye iminsi 10 ngo...

Mu gitondo cyo kuri uyu wa Kane tariki 13 Ukuboza 2018 ibiro bya Komisiyo...
13 December 2018 Yasuwe: 2801 0