skol
Kigali
startimes

“Muri gukina n’umuriro”-Perezida Museveni abwira Bobi Wine n’abarwanashyaka be

Amakuru   Yanditswe na: Dusingizimana Remy 20 November 2020 Yasuwe: 9346

Perezida wa Uganda ,Yoweli Kaguta Museveni yabwiye mugenzi we Bobi Wine ufunzwe azira kwica amabwiriza yo kwirinda Covid-19 mu kwiyamamaza kwe ko we n’abarwanashyaka be bari gukinisha umuriro kubera imyigaragambyo bari gukora.


Depite Kyagulanyi uri kwiyamamariza kuba perezida yafashwe ku wa Gatatu ari kwiyamamariza mu Karere ka Luuka ariko kuva ubwo imyigaragambyo yahise yaduka I Kampala aho abantu 19 bamaze kuyigwamo.

Ubwo Museveni yagezaga ijambo ku baturage bo mu majyaruguru ya Uganda aho yarimo kwiyamamariza, yavuze ko Robert Kyagulanyi uzwi nka Bobi Wine ariwe uri gutera abarwanashyaka be kwigaragambya ndetse ko bari gukinisha umuriro.

Yagize ati “Ntabwo twakwihanganira abantu bavangiwe.bari gukina n’umuriro.Twavuye kure ku buryo tutakwemerera abantu kwangiza igihugu cyacu.

Abashyigikiye Bobi Wine bashinjwe gutera abayoboke ba NRM ya Museveni barabakubita babagira intere.

Mu mafoto n’amashusho aherutse kujya hanze yagaragaje abayoboke ba Bobi Wine bari gutwika ibyapa byamamaza Museveni ndetse banasaba ko uwo bashyigikiye arekurwa.

Museveni yabwiye abashyigikiye Bobi Wine ati “Niba bashaka kurwana,icyo nicyo gice turi beza cyane.Igihe kizagera ubwo abantu bazajya batinya no gukora ku mwenda wa NRM uri ku muhanda.”

Abantu 19 bamaze kugwa mu myigaragambyo nk’uko ibinyamakuru bitandukanye byabitangaje. Polisi yatangaje ko abantu bamaze gutabwa muri yombi bagera kuri 350.

Ikinyamakuru Daily Monitor cyatangaje ko kuri uyu wa Kane, Bobi Wine urimo kwiyamamaza ahagarariye ihuriro National Unity Platform (NUP), yanze gusinya inyandiko zari kumwemerera kurekurwa atanze ingwate.

Nyuma y’ifungwa rya Bobi Wine n’umukandida Patrick Amuriat uhagarariye ishyaka FDC mu matora (we yaje kurekurwa), abakandida bane barimo Gen Maj Mugisha Muntu wa Alliance for National Transformation, umukandida wigenga John Katumba, Lt Gen Henry Tumukunde uhagarariye Renewed Uganda na Norbert Mao uhagarariye Democratic Party (DP) mu matora ya perezida, babaye bahagaritse ibikorwa byo kwiyamamaza, mu kwifatanya na bagenzi babo.

Erias Lukwago na we urimo kwiyamamariza kuyobora Umujyi wa Kampala na we yabaye ahagaritse kwiyamamaza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abasirikare bakoze ku mabere y’umugore wa Bobi Wine ubwo yari afungiye mu...

Umunyapolitiki Robert Kyagulanyi Ssentamu (Bobi Wine) utavuga rumwe...
28 January 2021 Yasuwe: 4462 0

Bobi Wine yarekuwe ajya hanze nyuma y’iminsi 10 afungiwe mu rugo...

Ku nshuro ya mbere kuva tariki 14 z’ukwezi kwa mbere umunsi wabayeho...
26 January 2021 Yasuwe: 5346 0

Perezida Ndayishimiye yahishuye ko u Burundi n’u Rwanda bigiye kubana neza...

Nyuma yo gutorwa k’umunyamabanga mukuru mushya w’ishyaka riri ku butegetsi mu...
25 January 2021 Yasuwe: 5421 0

Abavuye muri Tanzania na DR Congo ntibemerewe kwinjira muri UK kubera...

Ubwongereza bwatangaje ingingo ibuza abagenzi bose bavuye muri Tanzania na...
22 January 2021 Yasuwe: 3259 0

Joe Biden yinjiye bwa mbere muri White House ahita akora impinduka...

Nyuma y’amasaha make Joe Biden arahiye,Joe Biden yahise yerekeza muri White...
21 January 2021 Yasuwe: 6261 1

Joe Biden yarahiye ku mugaragaro aba Perezida wa 46 wa US

Joe Biden amaze kurahirira kuba Perezida wa 46 wa Leta Zunze Ubumwe za...
20 January 2021 Yasuwe: 4428 0