Kigali
dnd

Uzotuvyoronga tuzamwereka ko turya dukarabye-Perezida Nkurunziza w’u Burundi

Amakuru   Yanditswe na: Dusingizimana Remy 18 November 2019 Yasuwe: 3211

Perezida w’Uburundi,Pierre Nkurunziza yavuze ko uzigerezaho yatsa umuriro mu Burundi azicuza icyo awakirije mu ijambo rikomeye yagejeje ku barwanashyaka ba CNDD-FDD avuga ko "bashaka guhemuka".



Mu gusoza icyumweru ishyaka CNDD-FDD riri ku butegetsi mu Burundi ryise icy’intwari,Perezida Nkurunziza yabwiye abarwanashyaka baryo ko intambara y’amasasu yamaze imyaka 15 yarangiye kera ndetse ngo uzahirahira ashaka kuyigarura azakubitwa kakahava.

Yagize ati “Muri CNDD-FDD twarahagaritse intambara burundu, mugabo uzotuvyoronga tuzamwereka ko turya dukarabye, uzigerezaho yatsa umuriro azicuza icyo awakirije".

Iri jambo yarivugiye muri Commune Mubimbi mu ntara ya Bujumbura mu mpera y’icyumweru gishize aho yatangiye avuga iby’urugamba iri shyaka rye ryarwanye n’aho rigeze ubu.

Ijambo rya Nkurunziza rigarukamo Imana kenshi, avuga ko abashaka guhemuka bazaba bahemukiye Imana n’abenegihugu batazagira amahoro.

Bamwe mu bayoboke b’ishyaka CNDD-FDD cyane ishami ry’urubyiruko ’Imbonerakure’ bavugwa na raporo y’abakoze iperereza ba ONU mu bikorwa byo kugirira nabi abatari muri iryo shyaka.

Bavugwa kandi mu bikorwa bihohotera uburenganzira bwa muntu nk’ubwicanyi, urugomo, gutera ubwoba, gufunga binyuranyije n’amategeko n’ibindi.

Ubutegetsi bw’u Burundi bwagiye buhakana ibivugwa n’ishami ry’umuryango w’abibumbye ryita ku burenganzira bwa muntu rivuga ko ryabonye mu Burundi.

Perezida Nkurunziza yaburiye abo mu ishyaka rye ko ntawarihemukiye ngo bimugwe neza.

Ati: "Erega ubu hoho birakomeye, ibaze Imana tuyiha ikibanza cya mbere muri CNDD-FDD umwaka ushize rero twaravyonyoye tuyiha ikibanza ca mbere mu ibwirizwa shingiro, muzokubitwa kabiri ivyo mube mubizi kandi ntimubifate minenegwe naje kukuburira".

Nkurunziza ntiyaciye ku ruhande yavuze ko abwira ’Abagumyabanga’ (abayoboke ba CNDD-FDD) gusa hamwe n’abaciye muri iri shyaka.

Ati: "Imana iriteguye neza neza gukubitisha inkoni y’icyuma umugumyabanga azohirahira ahemuke".

Iri shyaka rizaba rihanganye n’ayandi mu matora y’umukuru w’igihugu ateganyijwe umwaka utaha, kugeza ubu ntabwo riratangaza umukandida waryo muri ayo matora yo muri 2020.Nkurunziza akaba yaremeje ko atazongera kwiyamamaza.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Tshisekedi yabwiye amagambo akomeye abakomeje gukwirakwiza ibihuha...

Perezida wa RDC,Felix Tshisekedi yavuze ko mu gihe cyose azaba ari Perezida...
20 January 2020 Yasuwe: 4675 0

U Rwanda rwafunguye ambasade mu gihugu cya Maroc [AMAFOTO]

Kuri uyu wa Gatatu taliki ya 15 Mutarama 2020,I Rabat muri Maroc hafunguwe...
15 January 2020 Yasuwe: 2292 0

Larousse yashinjwe gukoresha imvugo ipfobya Jenoside yakorewe Abatutsi...

Umwunganizi w’Ihuriro ry’Abanyarwanda batuye mu Bufaransa (Communauté...
15 January 2020 Yasuwe: 918 0

Iran yafunze uwayisebeje agashyira hanze amashusho agaragaza Uko yarashe ya...

Irani yatangaje ko yafunze umuntu wafashe amashusho agaragaza uko ya ndege...
15 January 2020 Yasuwe: 4152 0

Biravugwa ko Leah Karegeya wari ukuriye akanama k’impuguke muri RNC...

Madame Leah Karegeya wari ukuriye akanama k’impuguke muri RNC biravugwa ko...
14 January 2020 Yasuwe: 6614 1

Minisitiri w’intebe wa Ethiopia yasubije Trump wavuze ko atari akwiriye...

Minisitiri w’intebe wa Ethiopia, Abiy Ahmed, yagize icyo avuga ku...
13 January 2020 Yasuwe: 3090 0