skol
Kigali
startimes

Perezida w’ Ubushinwa yahanuriye Amerika gutsindwa intambara y’ ubukungu

Amakuru   Yanditswe na: Nsanzimana Ernest 17 November 2018 Yasuwe: 1408

Perezida Xi Jinping w’Ubushinwa mu ijambo ryumvikanye nk’irirasa kuri gahunda ya Leta Zunze Ubumwe z’Amerika yo gushyira imbere inyungu yazo mbere y’ibindi byose, yayiburiye ko ibihugu bishyira imbere inyungu zabyo byonyine "birangira bitsinzwe".


Perezida Xi yabivugiye nu nama y’ubukungu y’umuryango w’ibihugu byo muri Asia-Pacific, igice cy’isi gishobora kwibasirwa cyane n’ubushyamirane buri hagati y’Amerika n’Ubushinwa.

Mike Pence, Visi-Perezida w’Amerika, nyuma yavuze ko yiteguye "gukuba inshuro zirenga ebyiri" imisoro Amerika yashyizeho ku bicuruzwa bituruka mu Bushinwa.

Muri uyu mwaka, ibi bihugu byombi byagiye bigabanaho ibitero byo kwihimuranaho mu ntambara y’ubucuruzi.

Ibiro bya White House bya perezida w’Amerika bivuga ko imisoro y’Amerika ku bicuruzwa biva mu Bushinwa ari uburyo bwo gusubiza kuri gahunda z’ubucuruzi z’Ubushinwa "zidashyira mu gaciro".

Impande zombi zavuze ko iyi misoro - imaze kugera muri za miliyari z’amadolari y’Amerika - ishobora kongerwa.
Ariko Bwana Xi yabaye nk’uburira ku gukaza kurushaho ubu bushyamirane hagati y’ibihugu byombi.

Yabwiye abategetsi bari mu nama mu murwa mukuru Port Moresby wa Papua New Guinea ati: "Amateka yagaragaje ko ubushyamirane, bwaba ubusa nk’intambara y’ubutita, intambara yeruye cyangwa intambara y’ubucuruzi, nta babutsinda".
Yongeyeho ati:"Kugerageza gushyiraho imipaka no gukuraho umubano wa hafi ushingiye ku bukungu, binyuranyije n’amategeko agenga ubukungu n’ibyo amateka atwigisha. Ibi ni ukutareba kure kandi bizarangira bitsinzwe.”

BBC yatangaje ko Pence, wafashe ijambo akurikiye Bwana Xi, yavuze ko iyo misoro ari igisubizo ku buryo "butangana" bw’ubucuruzi n’Ubushinwa.
Yongeyeho ko Amerika itazahindura gahunda yayo y’imisoro "kugeza igihe Ubushinwa buzahindurira imigenzereze yabwo".

Bwana Pence yavuze ayo magambo hashize umunsi Perezida Donald Trump w’Amerika abwiye abanyamakuru ko afite icyizere ko "hazabaho ubwumvikane" hagati y’Amerika n’Ubushinwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

NASA yerekanye gahunda yo kugeza umugore wa mbere ku kwezi bitarenze...

Ikigo cy’iby’isanzure cya Amerika, NASA, cyatangaje mu buryo bwemewe umugambi...
22 September 2020 Yasuwe: 449 1

Abatunze za Miliyari z’amafaranga basabwe kugoboka abakomeje kwibasirwa...

Ku wa Kane tariki ya 17 Nzeri 2020, Umuyobozi w’ishami rya ONU rishinzwe...
19 September 2020 Yasuwe: 402 0

Kenya yakemuye amakimbirane yari ifitanye na Tanzania yari ashingiye kuri...

Leta ya Kenya yaraye yongereye Tanzania ku rutonde rw’ibihugu abagenzi...
16 September 2020 Yasuwe: 611 0

Tanzania na Uganda bumvikanye ku muyoboro utwara ibitoro wa miliyari...

Abategetsi ba Tanzania na Uganda bumvikanye ku masezerano yo kubaka...
14 September 2020 Yasuwe: 1194 0

Akon yavuze igihe umujyi wa ’Akon City’ uzatangira kubakwa

Akon, umuhanzi w’injyana ya R&B wo muri Amerika, kuva mu 2018 yavugaga...
2 September 2020 Yasuwe: 845 0

Tanzania: Wa Mucukuzi w’amabuye y’agaciro yaguye ku rindi ry’imbonekarimwe...

Umucukuzi uciriritse wo muri Tanzania, wamenyekanye ubwo bwacyaga abaye...
4 August 2020 Yasuwe: 2230 0