Tanzania ntirabasha kwikura ibihombo yatewe n’ intambara yo guhirika Idi Amin Dada [Viedewo]

18 April 2017. | Ubukungu | 2 Ibitekerezo | Nsanzimana Ernest
  • Tanzania ntirabasha kwikura ibihombo yatewe n’ intambara yo guhirika Idi Amin Dada [Viedewo]

Imyaka hafi 40 irashize, Idi Amin Dada wategetse Uganda benshi bafata nk’ umunyagitugu, ahiritswe ku butegetsi. Ubusesenguzi bwakozwe na televiziyo muri Uganda NTV bugaragaza ko Tanzania itarabasha kwikura ibihombo yatewe n’ ubukungu bwayo bwatakariye mu ntambara yo guhirika ku butegetsi Idi Amin.

Nk’ uko iyo televiziyo yabitangaje ngo ubukungu bwa Tanzania bwari bumaze kwiyubaka mu nzego zitandukanye ibikesha ubuyobozi bwa Mwarimu Jilius Nyerere ariko ngo ubufasha yatanze mu rugamba rwo guhirika Amin byasenye Tanzania.

Ngo nubwo igisirikare cya Tanzania(TPDF) gifatwa nk’ intwari kubwo guhirika ku butegetsi Amin, ibikoresho n’ amafaranga Tanzania yakoresheje muri urwo rugamba byasize ubukungu bwayo mu manegeka.

NTV ivuga ko muri iyo ntambara guverinoma Tanzania yakoresheje miliyoni 500 z’ amadorali y’ Amerika bituma igihugu cyari kimaze kwiyubaka gifite ubushobozi bwo kurihirira amashuri abaturage bose gisenyuka mu bukungu.

Yakomeje igira iti “Mwarimu Julius Nyerere yari amaze guteza imbere igihugu binyuze mu bitekerezo byo gukorera hamwe, ariko byose byahise biyoyoka. Ntabwo guhita atangira kuba nyamwigendaho kandi yigisha isaranganya”

Nyerere akimara kuva ku butegetsi Tanzania yagiye mu bihe bibi by’ ubukungu icyo gihugu cyugarizwa n’ ibyaha n’ ubujura, NTV ivuga ko kugeza ubu Tanzania itarabashya kwigobotora ibihombo yatewe no gutanga ubufasha mu gihirika Amin.

“Tanzania ntabwo irabasha kuziba icyuho cy’ amafaranga yakoresheje muri iyo ntambara. Ally Hassan mwinyi wasimbuye Nyerere yabaye umunyantege nke ibyaha na ruswa biriyongera.”

Ikomeza ivuga ko uko abaperezida bagiye basimburaba bagerageza gushaka uko Tanzania yasubira uko yahoze ariko n’ ubu bitaragerwaho.

Avuga Benjamin Mkapa abaturage bamurambiwe bakamusimbuza umugabo mwiza Jakaya Kikwete utarigeze aha Tanzania umurongo uboneye.

Muri 2016, Abaturage bari barambiwe ruswa batoye Perezida udaca ku ibintu ku ruhande John Pombe Magufuli.

Ibitekerezo
  • MyPassion

    kora
    19 April 2017 - Musubize

    ibyo ni ukubeshya rwose, iriya TV yarabaharabitse gusa, ubukene ifite ni management mbi gusa yatewe n’ubuyobozi bwayo, ubuse bagize igihombo ijya hasi kuruta aho twari genocide yadusize?, mu myaka 20 gusa tukaba tugeze aha?, bajye babeshya abantu batazi gukora analysis

  • MyPassion

    Kaboko
    18 April 2017 - Musubize

    Ubundi leta ya Uganda yagombye kuriha Nkuko Zaire yarishye u Rwanda rumaze kwirukana Mobutu

Tanga Igitekerezo