Burundi: Abanyamakuru ba Iwacu bakatiwe gufungwa imyaka isaga ibiri n’ihazabu ya miliyoni FBU

Amakuru   Yanditswe na: Dusingizimana Remy 30 January 2020 Yasuwe: 1757

Abanyamakuru bane b’ikinyamakuru kigenga Iwacu bakatiwe n’urukiko rukuru rwa Bubanza mu majyaruguru y’u Burundi gufungwa imyaka ibiri n’amezi atandatu banacibwa ihazabu ya miliyoni imwe y’amarundi buri umwe, naho umushoferi wabo yagizwe umwere.



Me. Clement Retirakiza, umwunganizi w’aba banyamakuru yabwiye BBC Gahuzamiryango ko batunguwe n’icyemezo cy’urukiko.

Térence Mpozenzi, Agnès Ndirubusa, Egide Harerimana, Christine Kamikazi n’umushoferi wabo Adolphe Masabarakiza, bashinjwa "ubufatanyacyaha mu guhungabanya umutekano w’igihugu".

Aba bafashwe mu kwezi kwa cumi bagiye gutaara inkuru y’igitero cy’inyeshyamba mu majyaruguru y’u Burundi bahakanye ibyo baregwa bavuga ko bafashwe bari mu kazi kabo.

Bwana Retirakiza avuga ko ntacyo yavuga ku byemezo by’uru rukiko rwa Bubanza kuko atarabona inyandiko y’urubanza ngo amenye ingingo bashingiyeho babakatira icyo gifungo.

Avuga ko uko byagenda kose bazajuririra uyu mwanzuro w’urukiko kuko bumva udakwiriye.

Mu kwezi kwa 11 Bwana Antoine Kaburahe yari yabwiye BBC ko aba banyamakuru nta kidasanzwe bakoze uretse kujya gutara inkuru aho yabereye nk’uko bikorwa mu mwuga wabo.

Umushinjacyaha mukuru w’u Burundi yavuze ko aba banyamakuru badafunze kubera umwuga wabo ahubwo bafunze kubera ibyaha baregwa.

Mu byumweru bibiri bishize, inteko ishinga amategeko y’ubumwe bw’uburayi yamaganye "gutera ubwoba, guhohotera no gufunga nta cyaha kigaragara abanyamakuru, abaharanira agateka n’abanyapolitike batavuga rumwe na leta mu Burundi."

Kuri ibi, Willy Nyamitwe umujyanama wa Perezida Petero Nkurunziza, yanditse kuri Twitter ko "iyo nteko icyeka ko u Burundi bukiri igihugu gikoronijwe n’ibihugu by’iburayi".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

BBC yirukanye umunyamakuru wayo wahaye ikiganiro upfobya Jenoside yakorewe...

Umunyamakuru wa BBC witwa Jacques Matand Diyambi, yirukanwe ku kazi...
9 February 2020 Yasuwe: 4746 0

Ubuhinde: Polisi yishe umugabo washimuse abana, umugore we arakubitwa...

Umugabo wo mu Buhinde wabeshye ko umwana we w’umukobwa w’umwaka umwe yizihije...
1 February 2020 Yasuwe: 2540 0

Burundi: Abanyamakuru ba Iwacu bakatiwe gufungwa imyaka isaga ibiri...

Abanyamakuru bane b’ikinyamakuru kigenga Iwacu bakatiwe n’urukiko rukuru rwa...
30 January 2020 Yasuwe: 1757 0

Tanzania: Umunyeshuri yafunzwe azira gufotora umurongo muremure...

Umunyeshuri muri Tanzania yafashwe arafungwa nyuma y’uko agaragaje ifoto ku...
23 January 2020 Yasuwe: 3492 0

Burundi: Umucamanza ukomeye ari mu mazi abira kubera kwicara ku ntebe ya...

Kuri uyu wa Gatanu taliki ya 03 Mutarama 2020,Urukiko rukuru mu Burundi...
4 January 2020 Yasuwe: 3956 0

Pakistan: Umwarimu yakatiwe igihano cy’urupfu azira gutuka intumwa y’Imana...

Umwarimu wo muri kaminuza witwa Junaid Hafeez w’imyaka 33 ukomoka mu gihugu...
23 December 2019 Yasuwe: 1224 1