skol
startimes

Kenya: Senateri Sakaja wafatiwe mu kabari yishe gahunda ya guma mu rugo yaciwe amande y’amadolari 150

Amakuru   Yanditswe na: Dusingizimana Remy 21 July 2020 Yasuwe: 249

Urukiko rwo muri Kenya rumaze guhanisha senateri Johnson Sakaja gucibwa amande angana n’amadolari 150 y’Amerika (ni arenga 143,000 mu mafaranga y’u Rwanda) cyangwa gufungwa amezi atatu kubera gufatirwa mu kabari nijoro yarenze ku mabwiriza y’umukwabu yo kwirinda coronavirus.



Yafashwe mu rukerera rwo ku wa gatandatu, asanzwe ari kunywera mu kabari, hashize amasaha umukwabu wa saa tatu z’ijoro watangiye.

Bijyanye n’uwo mukwabu, nta muntu uba wemerewe kuba ahatari iwe guhera saa tatu z’ijoro kugeza saa kumi za mu gitondo.

Uyu senateri yari yamaze gusaba imbabazi Abanya-Kenya ndetse yegura ku mwanya wo mu kanama gakomeye ko mu nteko gashinzwe kugenzura uko iki gihugu kirwanya Covid-19.

Yari yanavuze ko yiteguye kwirengera ibikorwa bye. Bwana Sakaja ahagarariye akarere k’umurwa mukuru Nairobi.

Senateri Sakaja yafungiwe by’akanya gato ku biro bya polisi byo mu mujyi wa Nairobi, mbere yuko afungurwa amaze gutanga amafaranga y’ingwate.

Byagenze gute?

Videwo iri guhererekanywa ku mbuga nkoranyambaga yagaragaye ku cyumweru, yerekana Bwana Sakaja w’imyaka 35 ari muri kasho ya polisi aterana amagambo n’abapolisi nyuma yo gutabwa muri yombi.

Havugwa iki ku mategeko yo kwirinda coronavirus?

Abanya-Kenya bamaze igihe binubira ko amategeko akaze yo kurwanya coronavirus ashyirwa mu bikorwa mu buryo butandukanye bitewe n’uwo uri we.

Binubira ko abanyapolitiki bayarengaho ku mugaragaro bagakoresha za mitingi zitabirwa n’imbaga kandi izo mitingi zaraciwe.

Polisi ya Kenya nayo yanenzwe gukubita, gukomeretsa no kwica Abanya-Kenya mu gihe cy’iyubahirizwa ry’ayo mategeko.

Zimwe mu ngamba zikaze zibuza guterana mu nsengero no kubuza ingendo mu duce tw’ingenzi tw’izingiro rya coronavirus, kuri ubu zakuweho, nubwo coronavirus ikomeje kwiyongera mu gihugu.

Kugeza ubu muri Kenya abanduye coronavirus bageze ku 13,771, muri bo 238 imaze kubica.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urukiko rwahamije Byabagamba icyaha cyo kwiba telefoni rumukatira imyaka...

Urukiko rw’Ibanze rwa Kicukiro rwaburanishije Tom Byabagamba ku cyaha...
24 November 2020 Yasuwe: 1562 0

Bobi Wine yarekuwe by’agateganyo ariko ashobora gufungwa imyaka...

Urukiko rwo mu burasirazuba bwa Uganda rwareze umukandida-perezida Robert...
20 November 2020 Yasuwe: 2936 0

Leta ya Tanzania yajyanwe mu rukiko kubera kubuza kwiga abanyeshuri...

Umuryango Equality Now uharanira uburenganzira bw’abagore, wareze leta ya...
20 November 2020 Yasuwe: 463 0

Uko iburanisha rya mbere rya Kabuga Felicien i La Haye ryagenze

Umwanya munini wafashwe n’umwanditsi w’urukiko asoma ibiregwa Felicien...
11 November 2020 Yasuwe: 2789 0

Felicien Kabuga yaburaniye mu rukiko rw’I La Haye ku nshuro ya...

Ku nshuro ya mbere, Kabuga Félicien ukurikiranweho ibyaha bya jenoside...
11 November 2020 Yasuwe: 1531 0

Umuryango wa Paul Rusesabagina watanze ikirego mu rukiko rw’Africa...

Umuryango wa Paul Rusesabagina uvuga ko abanyamategeko washyizeho ejo ku wa...
28 October 2020 Yasuwe: 1717 0