Umwarimu wo muri kaminuza witwa Junaid Hafeez w’imyaka 33 ukomoka mu gihugu cya Pakistani, yakatiwe igifungo cy’urupfu azira gutuka intumwa y’Imana Mohamed mu 2013.

Sponsored Ad

Uyu mwarimu ashinjwa ko yakoze ikosa rikomeye cyane ryo gutuka intumwa y’Imana Mohamed abicishije ku mbuga nkoranyambaga.

Uyu mwarimu yari amaze imyaka myinshi afungiwe mu cyumba cya wenyine,nyuma y’aho yamaganwe n’izindi mfungwa.

Ishyirahamwe Amnesty International ryamaganye urubanza uyu mwarimu yakatiwemo urwo gupfa rivuga ko rubangamiye burenganzira bw’ikiremwamuntu.

Urwo rubanza rwasomwe n’urukiko rumwe muri gereza nkuru ya Multan, aho Bwana Hafeez yari asanzwe apfungiye.

Junaid Hafeez "ategereje kunyongwa", nk’uko byanditse mu cyegeranyo cy’urwo rubanza.

Umucamanza Zia ur Rehman yagize ati: "Turashimira Imana ko urwo rubanza rwarangiye".

Umwe mu baburanira Leta,Airaz Ali muri gereza ya Multan, yagiye aririmba ngo "Allah Akhbar" ("Imana niyo nkuru"),"Abatuka Imana bakwiye gupfa". "Uru rubanza ni ukuri kwatsinze.

Bwana Hafeez yakuye impamyabumenyi ya Master muri Amerika, aho yize ibijyanye n’amateka (literature) y’igihugu.

Amaze gusubira muri Pakistani, yabonye akazi ko kwigisha Icyongereza muri kaminuza ya Bahauddin Zakariya (BZU) mu karere ka Multan ari naho yakoraga kugeza ahagaritswe.