addresiya
startimes

Uganda: Ukuriye urwego rw’ubugenzacyaha arashinjwa kwiba miliyoni 3 z’amashilingi mu murambo w’umuntu

Amakuru   Yanditswe na: Dusingizimana Remy 26 April 2020 Yasuwe: 1827

Umuyobozi w’urwego rw’ubugenzacyaha mu gace kitwa Mityana witwa Eric John Wabwire, arashinjwa kwiba umugabo wapfuye akayabo ka miliyoni 3 z’amashilingi ya Uganda ndetse yagejejwe imbere y’ubutabera.



Bwana Eric John Wabwire, yagejejwe imbere y’umucamanza mukuru wa Mityana witwa Elias Kakooza wahise amwohereza muri gereza nyuma y’ibi birego bwo kwiba amafaranga mu myenda y’umurambo w’uwitwa Yasin Mugisha.

Umuyobozi wa Polisi ya Wamala,Bob Kagalura yatangaje ko uyu Wabwire yakuye amafaranga menshi mu mufuka w’umurambo wa Mugisha muri Kanama 2019,yanga kuyabarira mu ruhame ahubwo ahitamo kuyiba.

Komanda Kagalura yagize ati “Amafaranga ntiyigeze amurikwa ndetse iperereza ku rupfu rwa Mugisha ntiryakozwe uko bikwiriye.Umupfakazi wa nyakwigendera yamaze igihe aza ku biro bya polisi kwaka ayo mafaranga kugeza ubwo umuyobozi mushya wa CID mu gace, Frau Tesiima,yakiriye ikirego.”

Kagalura yavuze ko nubwo Wabwire yasabwe kenshi na madamu Tesiima ngo asubize amafaranga y’abandi,ntiyigeze abikora kuko yari yaramaze kuyamira.

Kagalura yagize ati “Ibi byatumye hakorwa iperereza ryihuse kuri ibi byaha by’ubwicanyi ndetse abashinzwe polisi bagerageza kureba niba igipolisi muri iki gihe kikirangwa n’ubunyamwuga n’ibyaha ukekwa ashinjwa bitangira gukurikiranwa.”

Mu minsi ishize Abapolisi ba Uganda 11 bari kumwe n’abasirikare 6 bakoreye ibya mfura mbi abagore n’abagabo basanze muri ’lodge’ ubwo bari ku burinzi bugamije kureba iyubahirizwa ry’amabwiriza yo gukumira Coronavirus.

Nkuko ibinyamakuru byo muri iki gihugu byabitangaje,aba bapolisi binjiye muri Lodge basanga bamwe bambaye ubusa, babahata ibiboko ndetse babagaragura mu isayo.

Ibi byabereye mu karere ka Amuru tariki ya 3 Mata 2020, aho mu mafoto yagiye hanze, aba bagore bagaraye inkoni zishushanyije ku bibuno byabo [batatewe isoni no gushyira hanze mu mafoto], abandi bagera kuri batandatu bagaragaraho isayo ku mubiri wose.

Umuturage yavuze ko hari mu ijoro, ubwo aba bapolisi n’abasirikare basohoraga aba bagore mu nzu, babategeka gukuramo imyenda no gushyira imibiri yabo cyane cyane imyanya y’ibanga mu isayo, babakubita n’inkoni. Uko aba bagore bubahirizaga iryo tegeko, ni ko aba bashinzwe umutekano basekaga nk’abishimiye ibyo bari kubona.

Ubuyobozi bukuru bw’igisirikare n’igipolisi cya Uganda bwamenye aya makuru, buhita buta muri yombi aba bose bakoze ibinyuranyije n’inshingano bahawe mu mwuga wabo no muri ibi bihe.

Nyuma y’aho Perezida Museveni yashyiriyeho ibwiriza ryo guhagarika ibikorwa bitandukanye mu rwego rwo kwirinda akajagari kakwirakwiza covid-19, hagaragaye abo muri LDU (Local Defence Unit) bahohotera abacuruzi b’udutaro. Uyu Mukuru w’Igihugu yarabimenye abisabira imbabazi ndetse yihanangiriza aba ba LDU.

Hagagaraye kand abapolisi bahohoteye umubyeyi utwite inda y’amezi arindwi, Museveni abimenye yategetse ko batabwa muri yombi, bishyirwa mu ngiro.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Perezida Trump yajyanywe mu nkiko kubera gukuraho abigaragambyaga mu mahoro...

Ishyaka riri ku butegetsi muri Afurika y’Epfo ryatangaje ko ritangiye...
6 June 2020 Yasuwe: 2816 0

Urukiko rw’I Paris rwatangaje aho Kabuga Felicien agomba kuburanishirizwa

Urukiko rw’i Paris rwanzuye ko Kabuga Felicien ukekwaho uruhare muri...
3 June 2020 Yasuwe: 2501 0

Kabuga Félicien aramenyeshwa aho agomba gufungirwa kuri uyu wa...

Urukiko rw’i Paris mu Bufaransa uyu munsi ku gicamunsi ruratangaza umwanzuro...
3 June 2020 Yasuwe: 381 0

Burundi: Abarimu 2 batawe muri yombi bazira gusambanya abana bigisha barimo...

Abarimu babiri bo mu mujyi wa Bujumbura batawe muri yombi na polisi ku wa...
31 May 2020 Yasuwe: 2125 0

Abana ba Kabuga Félicien babwiye urukiko ko kumufunga bishobora kumuviramo...

Abana ba Félicien Kabuga uherutse gutabwa muri yombi mu Bufaransa ashinjwa...
30 May 2020 Yasuwe: 5780 1

Kabuga Félicien yabwiye urukiko ko ibyo aregwa byose ari ibinyoma...

Umunyarwanda Félicien Kabuga ushinjwa kugira uruhare muri jenoside yakorewe...
27 May 2020 Yasuwe: 3315 0