Burundi: Ibitaro bya KIRA byatangaje ko bimaze ibyumweru 3 byakira abarwayi bafite ibimenyetso nk’ibya Coronavirus
Yanditswe: Friday 27, Mar 2020
Mu gihe Uburundi bwemeza ko nta murwayi n’umwe wa Covid-19 bafite,ibitaro bikomeye muri iki gihugu byitwa Kira byemeje ko bimaze ibyumweru 3 byakira abantu bafite ibimenyetso biranga abaraye iyi ndwara ndetse no kuri uyu wa Kane bakiriye abandi bantu 3 babifite.
Umuyobozi w’ibitaro bya Kira yavuze ko aba barwayi 3 bafite ibimenyetso bigaragara cyane ko ari Coronavirus bituma asaba minisitiri w’ubuzima unashinzwe kurwanya icyorezo cya SIDA kumuha ibyuma bipima COVID-19.
Aganira n’ikinyamakuru Iwacu,Dr.Sahabo uyobora ibitaro bya Kira byo mu mujyi wa Bujumbura yavuze ko hari n’abantu baturutse hanze baza babagana bababwira ko bashobora kuba barwaye iyi ndwara.
Mu byumweru 3 bishize,ibi bitaro byatangaje ko hari abarwayi baje babagana bafite ibimenyetso by’iki cyorezo ariko abayobozi bakuru babatera utwatsi.
Dr.Sahabo yavuze ko bafite imashini isuzuma iki cyorezo ariko badahita babona ibisubizo,ndetse ngo isuzuma abantu 96 mu masaha 3.
Uyu muganga yasabye Minisitiri w’Ubuzima mu Burundi ko yabafasha kubona imashini zibafasha gupima COVID-19 ndetse bakabaha inzobere mu gupima iki cyorezo.
Leave a Reply
Your email address will not be published. Required fields are marked *