Kigali

Byagaragaye ko ya ndege ya Ukraine iherutse guhitana abantu 176 yarashwe na Iran

Amakuru   Yanditswe na: Dusingizimana Remy 10 January 2020 Yasuwe: 2896

Amashusho yagaragajwe mu binyamakuru yerekanye ko ya ndege ya Ukraine yakoze impanuka ubwo yavaga I Tehran yerekeza I Kyiv yarashwe na Misile ya Iran ubwo yari imaze iminota mike ihagurutse.



Iyi video yafashwe na Satellite yagaragaje misile ya Iran imaze kuraswa mu kirere cy’iki gihugu hanyuma iragenda igonga ikintu mu kirere mu masaha amwe nayo iyi ndege yari imaze guhagurukaho.

Iyi Video yasohotse kuri uyu wa Kane yaje ikurikira amakuru y’abayobozi ba Canada na UK bavuze ko ubutasi bwabo bwagaragaje ko iyi ndege yarashwe na Iran.

Minisitiri w’intebe wa Canada,Justin Trudeau,yavuze ko ibiro byabo bishinzwe iperereza n’andi makuru bahawe n’inshuti zabo avuga ko iyi ndege yarashwe na Iran.Canada yaburiye abantu 63 muri iyi mpanuka y’indege.



Ibi yabihurijeho na Minisitiri w’intebe w’Ubwongereza,Boris Johnson wagize ati “Hari amakuru yemeza ko indege yarashwe na Iran ikoresheje misile.Ishobora kuba itarabikoze ku bushake.Turi gukorana bya hafi na Canada n’abandi bagenzi bacu bo mu mahanga.Dukeneye gukora ipererea rinyuze mu mucyo.”

Video yahawe CNN na The New York Times yagaragaje urumuri mu kirere,rugenda ruva ibumoso rugana iburyo hanyuma habaho guturika.

Trump avuga kuri iyi ndege yavuze ko atari impanuka isanzwe ahubwo ‘hari umuntu wakoze ikosa ku rundi ruhande’ ndetse yongeyeho ati “hari icyo nkeka”.



Mu gitondo cyo kuwa Gatatu w’iki cyumweru nibwo Ukrainian International Airlines (UIA) urugendo PS752 yakoze impanuka ikimara guhaguruka,ihitana abantu 176 biganjemo abanya Iran n’abanya Canada.Abanya Ukraine,Afghanistan,UK n’Abadage nabo bari muri iyi ndege.

Amakuru avuga ko abanya Iran bari bamaze kurasa ku birindiro by’ingabo za US muri Iraq babonye iyi ndege kuri Radar bikanga ko batewe niko guhita bayirasa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umugabo wanduje ku bushake Umupolisi icyorezo cya Coronavirus...

Umugabo wo mu Bwongereza wakororeye ku mupolisi amubwira ko yanduye...
3 April 2020 Yasuwe: 0 0

Abayanduye Coronavirus ubu barenze miliyoni ku isi yose

Abantu banduye coronavirus ku isi ubu bamaze kurenga miliyoni imwe nk’uko...
3 April 2020 Yasuwe: 257 0

Burundi: Habonetse umuntu wa 3 urwaye Coronavirus

Minisitiri w’ubuzima mu Burundi yatangaje ko uyu munsi babonye umuntu...
2 April 2020 Yasuwe: 1703 0

Kayumba Nyamwasa uyobora RNC aravugwaho kwandura Coronavirus

Ku mbuga nkoranyambaga zitandukanye hiriwe itangazo rivuga ko umuyobozi...
2 April 2020 Yasuwe: 7919 0

Kenya ikomeje kwibasirwa cyane na Coronavirus aho imaze kugira abarwayi...

Igihugu cya Kenya gikomeje kwibasirwa cyane na Coronavirus kuko uyu munsi...
2 April 2020 Yasuwe: 1349 0

Abanyamerika bapfuye bishwe na Coronavirus bageze ku 5.000 nyuma y’abapfuye...

Leta Zunze Ubumwe z’Amerika hamaze gupfa abantu 5.110 muri 215, 300 banduye...
2 April 2020 Yasuwe: 2450 0