startimes
Kigali
startimes

Donald Trump wasuzuguraga cyane agapukamunwa yavuye ku izima arakambara

Amakuru   Yanditswe na: Dusingizimana Remy 12 July 2020 Yasuwe: 1971

Perezida Donald Trump wa Leta Zunze Ubumwe z’Amerika yambaye agapfukamunwa mu ruhame, ku nshuro ya mbere kuva iki cyorezo cyagera muri icyo gihugu.


Sponsored Ad


Yakambaye ubwo ku munsi w’ejo ku wa gatandatu yasuraga ibitaro ya gisirikare bya Walter Reed biri hanze gato y’umujyi wa Washington, aho yasuye abasirikare bakomeretse n’abakozi bo mu rwego rw’ubuvuzi.

Ubwo yasohokaga mu biro bye bya White House, Bwana Trump yagize ati:

"Nta na rimwe nigeze ndwanya udupfukamunwa ariko nemera nkomeje ko dufite igihe n’ahantu ho kwambarirwa".

Mbere, Bwana Trump yari yaravuze ko adashobora kwambara agapfukamunwa ndetse akwena uwo bazahatana mu matora yimirije uyu mwaka, Joe Biden wo mu ishyaka ry’abademokarate, kubera kukambara.

Ariko ku munsi w’ejo, Bwana Trump yagize ati:

"Ntekereza ko iyo uri mu bitaro, by’umwihariko ahantu nk’aho hadasanzwe, aho uba uganira n’abasirikare benshi n’[abandi] abantu, bamaze kuva ku meza babagiraho abarwayi, ntekereza ko ari ikintu cyiza cyane kwambara agapfukamunwa".

Aganira na televiziyo Fox News mu cyumweru gishize, Bwana Trump yagize ati: "Uko nakabaye wese nshyigikiye udupfukamunwa".

Yongeyeho ko "hari ukuntu akunda" uburyo agaragara iyo akambaye.

Ariko mu kwezi kwa kane nibwo ikigo cy’Amerika cyo kurwanya no gukumira indwara (CDC) cyatangiye kugira abantu inama yo kwambara udupfukamunwa cyangwa ikindi kintu cyo kwipfuka mu maso mu gihe bari mu ruhame, mu kwirinda ikwirakwira ry’ubwandu.

Icyo gihe, Bwana Trump yabwiye abanyamakuru ko atazakurikiza iyo nama y’icyo kigo.

Yagize ati: "Sintekereza ko ibyo nzabikora".

"Kwambara agapfukamunwa mu gihe nsuhuza abaperezida, ba minisitiri w’intebe, abanyagitugu, abami, abamikazi - ibyo simbyiyumvisha".

Hari amakuru amwe avuga ko abajyanama be bari bamaze igihe bamusaba kwambara agapfukamunwa mu gihe ari mu ruhame.

Muri Amerika ubu bihagaze gute?

Mu masaha 24 ashize, muri Amerika hagaragaye abandi bantu bashya 66,528 banduye coronavirus - ba mbere benshi cyane mu munsi umwe, mu gihe abagera hafi ku 135,000 ari bo imaze kwica kugeza ubu.

Muri icyo gihugu, abantu barenga 995,000 bamaze kuyikira naho abarenga 3,245,000 bamaze kuyandura bose bamwe, nkuko imibare ya Kaminuza ya Johns Hopkins ibigaragaza.

Leta ya Louisiana ni yo ya vuba aha cyane mu gutegeka ko udupfukamunwa twambarwa mu ruhame.

Guverineri John Bel Edwards w’iyo leta, wo mu ishyaka ry’abademokarate, yanategetse ko utubari dufungwa ahantu hose muri iyo leta.

Yanakajije ingamba zo kurwanya iki cyorezo muri za ’restaurants’, ubu zitacyemerewe kugaburira abakiliya bicaye imbere muri zo. Iyo ngamba iratangira gukurikizwa kuri uyu wa mbere.

Byitezwe ko abadepite bo muri iyo leta bo mu ishyaka ry’abarepubulikani - ari naryo rya Trump - bamagana icyo cyemezo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kenya: Abasirikare bitabajwe mu rugamba rwo kuzimya inkongi y’umuriro...

Igisirikare cya Kenya cyohereje ingabo muri Tsavo West National Park...
10 August 2020 Yasuwe: 473 0

Ubuhinde: Inkongi y’umuriro yadutse ahavurirwa abanduye Coronavirus yica...

Abarwayi batari munsi ya 10 bapfuye ubwo inkongi y’umuriro yadukaga ku...
10 August 2020 Yasuwe: 228 0

Ya ndege ya Air India byarangiye ihitanye abantu 18 nyuma yo gucikamo...

Abategetsi bavuga ko indege ya kompanyi Air India Express yari irimo abantu...
8 August 2020 Yasuwe: 1222 0

Indege ya kompanyi Air India yakoze impanuka bamwe mu bari bayirimo...

Indege itwara abagenzi ya Kompanyi Air India yari irimo abantu 191 yakoreye...
7 August 2020 Yasuwe: 1481 0

Michelle Obama avuga ko afite ’agahinda gakabije k’icyiciro cyo hasi’ yatewe...

Umugore wa Barack Obama wahoze ari perezida wa Amerika, Michelle Obama,...
6 August 2020 Yasuwe: 1363 0

Perezida Magufuli yakiriye ikigori cyokeje yahawe n’umuturage ubwo yari mu...

Nyuma yo guhabwa inkoko n’umuturage akayakira,Perezida Magufuli yahawe...
5 August 2020 Yasuwe: 3790 0