Mu Bushinwa haravugwa inkuru ya Xinjia Hotel yo mu mujyi wa Quanzhou yakiraga abantu bashyizwe mu kato ka Coronavirus yagwiriye abantu 70 bari bayirimo.

Sponsored Ad

Abantu 34 bamaze gukurwa muri iyi Hotel ariko abandi baracyashakishwa nyuma y’aho iyi hotel iguye kuri uyu wa Gatandatu.

Iyi hotel y’inyenyeri 5 yari yarahariwe kwakira abantu bose bashyizwe mu kato ka Coronavirus ariko yaje kugwa gusa abahasize ubuzima ntibaramenyekana.

Amashusho yashyizwe hanze yagaragaje abantu benshi bari kwiruka berekeza kuri iyi hoteli kugira ngo batabare abari bayirimo.

Nta makuru y’abahitanywe n’iyi mpanuka aratangazwa n’icyateye gusenyuka ku iyi hoteli ntikiramenyekana.

Iyi hoteli yubatswe muri 2018 igenewe abacuruzi bakora ingendo yari ifite ibyumba 80.
Abantu barenga barenga 102,000 barimo 80,651 bo mu Bushinwa bamaze kwandura icyorezo cya coronavirus mu gihe abagera kuri 3,480 bamaze guhitanwa nacyo.