skol
Kigali
startimes

Joe Biden yavunitse ikirenge ari gukina n’imbwa ye bituma afatirwa icyemezo gikomeye

Amakuru   Yanditswe na: Dusingizimana Remy 30 November 2020 Yasuwe: 7497

Joe Biden,uheruka gutorerwa kuyobora Leta Zunze Ubumwe za Amerika, yavunitse ikirenge cye ubwo yarimo gukinisha imwe mu mbwa ze,bituma abwirwa ko ashobora kumara iminsi yambaye inkweto zifasha abamugaye gutambuka.


Biden w’imyaka 78 yavunitse ku wa gatandatu ubwo yanyereraga ari kumwe na Major, imwe mu mbwa atunze.

Bukeye, byabaye ngombwa ko Biden yegera umuhanga mu by’amagufa mu karere ka Newark muri leta ya Delaware,mu rwego rwo kwivuza.

Umuganga we, Kevin O’Connor, avuga ko ibipimo bya mbere by’imashini ya X (Rayons X) byerekana ko "atavunitse bikomeye", ariko agomba gupimwa birenzeho agafatwa amafoto y’imbere (scanning).

Amakuru aravuga ko Biden bizamusaba kugendera mu nkweto zihabwa abavunitse zizwi nka ‘walking boots’, nibura mu gihe cy’ibyumweru.
Ibipimo byakurikiyeho byerekanye ko Biden yavunitse amagufwa abiri mu kirenge cy’iburyo, nk’uko bivugwa n’uyu muganga.

O’Connor yagize ati: "Bigaragara ko ashobora kuzakenera inkweto zihabwa abavunitse mu gihe cy’ibyumweru bitari bike kugira ngo ashobore gutambuka".

Ejo ku cyumweru, Perezida Donald Trump yacishije ubutumwa kuri Twitter ati: "Nkwifurije gukira vuba".

Biden aherutse gutsinda Perezida Trump mu matora y’umukuru w’igihugu aherutse kuba mu ntangiriro z’uku kwezi kwa cumi na rimwe, byitezwe ko atangira kujya ahabwa amakuru y’inama zo muri White House guhera kuri uyu wa Mbere.

Ibi bibaye nyuma y’icyumweru ibikorwa byo guhererekanya ubutegetsi bitangiriye.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubuhindi: Inkongi y’umuriro yadutse mu bitaro yica abana 10 bari bamaze...

Impinja 10 zari zimaze kuvuka zahitanwe n’umuriro wadutse mu bitaro byo mu...
9 January 2021 Yasuwe: 3418 0

Umukobwa wabonye urupfu rwa nyina bari barwariye mu bitaro bimwe Covid-19...

Umugore warebye nyina ari gupfa iruhande rwe aho nawe yari arwariye mu...
6 January 2021 Yasuwe: 7002 0

Seychelles yatangaje umuntu wa mbere wahitanwe na Covid-19

Igihugu cya Seychelles cyatangaje ko umuntu wa mbere yahitanywe n’icyorezo...
5 January 2021 Yasuwe: 3141 0

UK: Urundi rukingo rwa Covid-19 ruratangira guterwa abantu kuva kuwa...

Urukingo rwa coronavirus rwakozwe n’abahanga bo muri kaminuza ya Oxford...
30 December 2020 Yasuwe: 3296 0

Pierre Buyoya wigeze kuyobora u Burundi yashyinguwe muri Mali

Uyu munsi nibwo mu mujyi wa Bamako,muri Mali habaye umuhango wo...
29 December 2020 Yasuwe: 5101 0

Uganda:Abantu 21 baguye mu mpanuka y’ubwato bwajyaga muri RDC

Impanuka y’ubwato mu kiyaga cya Albert kiri ku mupaka wa Uganda na...
26 December 2020 Yasuwe: 3311 0