Kigali

Kazakhstan: Uruhinja rwarokotse by’igitangaza impanuka y’indege yahitanye abantu 15

Amakuru   Yanditswe na: Dusingizimana Remy 28 December 2019 Yasuwe: 2470

Indege ya Kompanyi Bek Air yakoze impanuka ikomeye ubwo yarimo ihaguruka ku kibuga cy’indege cyo muri Almaty mu gihugu cya Kazkhstan biviramo abantu barenga 15 kuhasiga ubuzima gusa harokotsemo uruhinja rwasanzwe mu bisigazwa byayo ruri kurira.



Iyi ndege yakoze impanuka mu gitondo cyo kuri uyu wa Gatanu,bivugwa ko yaguye hejuru y’inzu ihita iyisenya abandi bagenzi 66 bari bayirimo bahise bajyanwa igitaraganya kwa muganga.

Uru ruhinja rwarokotse mu buryo butangaje,rwasanzwe mu bisigazwa by’iyi ndege rurimo kurira n’abarimo gutabara abari bakiri bazima.

Amashusho yashyizwe hanze,yagaragaje abashinzwe ubutabazi birukanka bashaka imiti n’ibindi byibanze byo kurokora uru ruhinja rwari rwonyine muri ibi bisigazwa.



Iyi ndege yarimo abagenzi 93 yagize ikibazo ubwo yageragezaga guhaguruka ku kibuga cy’indege yerekeza mu mujyi wa Nur-Sultan,irenga uruzitiro rwacyo niko kugenda igonga inyubako 2 z’inyuma yacyo.

Umugore warokotse iyi mpanuka yavuze ko yumvise urusaku ruteye ubwoba rw’abantu hanyuma yumva indege yisekuye ku butaka.

Yagize ati “Indege yagendaga nabi cyane.Ibintu byose byari bimeze nka filimi: Urusaku,gutabaza,imiborogo,abantu bariraga cyane.”

Umucuruzi witwa Aslan Nazaraliyev,nawe warokokeye muri iyi ndege yavuze ko iyi ndege yatangiye kwizunguza nyuma y’iminota 2 ihagurutse,birangira ikoze impanuka.



Nta busobanuro bwatanzwe ku mpanuka y’iyi ndege gusa yagonze aya mazu ihita igwa mu rubura abantu benshi bahita bahururabajya gutabara abakirimo umwuka ari nabwo babonye uyu mwana mu bisigazwa by’indege.Iyi ndege yahise icikamo kabiri.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukecuru w’imyaka 108 warokotse intambara z’isi 2 yishwe na Coronavirus

Umukecuru witwa Hilda Churchill w’imyaka 108 ukomoka mu Bwongereza yabaye...
29 March 2020 Yasuwe: 494 0

Boris Johnson warwaye coronavirus yaburiye Abongereza kwitega ’ibihe bibi...

Mu ibaruwa yoherereje buri rugo rwo muri iki gihugu, Minisitiri w’intebe...
29 March 2020 Yasuwe: 1970 0

Hagaragajwe ubwoko bw’amaraso y’umuntu bufite ubushobozi bwo guhangana...

Ubushakashatsi bugaragaza ko ubwoko bw’amaraso ufite bufite ubushobozi bwo...
28 March 2020 Yasuwe: 21261 0

Abantu 919 mu Butaliyani bapfuye bishwe na Coronavirus mu masaha 24...

Kuri uyu wa Gatanu taliki ya 27 Werurwe 2020, Minisiteri y’Ubuzima mu...
28 March 2020 Yasuwe: 3095 0

Burundi: Ibitaro bya KIRA byatangaje ko bimaze ibyumweru 3 byakira abarwayi...

Mu gihe Uburundi bwemeza ko nta murwayi n’umwe wa Covid-19 bafite,ibitaro...
27 March 2020 Yasuwe: 5014 0

Minisitiri w’Intebe w’Ubwongereza Boris Johnson yanduye Coronavirus

Ibiro bya minisitiri w’intebe w’Ubwongereza byatangaje ko Boris Johnson...
27 March 2020 Yasuwe: 1530 0