addresiya
Kigali
startimes

Kenya: Abaturage bakomerekeye mu mubyigano wabereye ahatangirwaga ibyokurya by’abatishoboye

Amakuru   Yanditswe na: Dusingizimana Remy 11 April 2020 Yasuwe: 1859

Abantu benshi bo mu gace kitwa Kibra mu mujyi wa Nairobi bakomerekeye mu mubyigano ukomeye watewe n’ubwinshi bw’abantu bari baje gufata inkunga y’ibyokurya byagenewe abatishoboye kubera Coronavirus.



Kimwe no mu Rwanda,igihugu cya Kenya nacyo kiri mu bihe bidasanzwe kubera icyorezo cya Coronavirus aho abantu bose basabwe kuguma mu rugo kugira ngo birinde ikwirakwira ryacyo.

Kubera umubyigano w’abantu bari baje gufata iyi nkunga,byatumye polisi y’igihugu itera ibyuka biryana mu maso,abaturage bamwe bakwira imishwaro ari naho bamwe bituye hasi bagenzi babo barabakandagira bibaviramo gukomereka.

Umwanzuro wo gutera ibyo byuka waturutse kuri bamwe mu bantu bashakaga kwinjira mu biro by’akarere ka Kibira ku ngufu ngo bahabwe ibyokurya.

Ingamba zo kuguma mu rugo zagoye cyane bamwe mu baturage muri Kenya bari babeshejweho no guca inshuro bituma bamwe bananirwa gutunga imiryango yabo.

Abaturage ba ntahonikora batashoboye kwibikira amafaranga ubu bamerewe nabi muri iki gihugu ndetse ikinyamakuru Nairobi News dukesha iyi nkuru cyavuze ko bari kwiganyira bibaza uko bari buramuke.

Umwe mu baturage wari waje gufata ibyokurya yagize ati “Abagore n’abana bakomeretse cyane.Twese twari twaje gushaka ibyokurya kuko twishwe n’inzara.”

Abaturage ba Kenya bahururiye ku karere bazi ko ibyokurya byatanzwe na Raila Odinga gusa bahageze babwirwa ko byatanzwe n’umugiraneza ndetse ngo yatanze amakarita ku miryango yagombaga guhabwa ibyokurya ariyo mpamvu bamwe bashatse kwinjira ku mbaraga baterwa ibyuka biryani mu maso abandi bakubitwa za ndembo n’abapolisi biteze umubyigano wakomerekeyemo benshi.

Mu muryango wa Afurika y’i Burasirazuba, Kenya niyo ifite abanduye Coronavirus benshi bagera kuri 191, barindwi bamaze gupfa naho 22 barakize, u Rwanda rufite abanduye 120, barindwi bamaze gukira, Uganda ifite abarwayi 53, u Burundi batanu, Tanzania ifite 32 batatu bamaze gupfa, naho Sudani y’Epfo yo ifite abarwayi bane.

Mu gitondo cyo kuri uyu wa Gatandatu tariki ya 11 Mata 2020, imibare y’ubwandu bushya n’abahitanywe n’iki cyorezo yakomeje kuzamuka hirya no hino ku Isi kuko abamaze kwandura ari 1,700,007,abamaze gupfa ni 102,751 naho abamaze gukira ni 376,529.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kenya: Barashaka abantu 400 bo kugeragerezaho urukingo rwa Coronavirus

Abashakashatsi muri Kenya barashaka abantu 400 bafite ubushake bo gufasha...
27 May 2020 Yasuwe: 285 0

Afurika y’Epfo:Perezida Ramaphosa yabwiye inkuru mbi abaturage ku cyorezo...

Perezida wa Afurika y’Epfo yavuze ko icyorezo cya coronavirus muri iki...
25 May 2020 Yasuwe: 3177 1

Czech Republic: Abatewe icyaka na Coronavirus barahabwa inzoga y’ubuntu yo...

Henshi ku isi kompanyi z’ubucuruzi ziri kurwana no gusubiza ibintu uko...
25 May 2020 Yasuwe: 1504 0

Abakobwa 2 bavukana barashwe n’abagize imiryango yabo barapfa babaziza ko...

Abangavu babiri bo mu gihugu cya Pakistan bababaje benshi kubera ukuntu...
24 May 2020 Yasuwe: 2586 0

Umuyobozi wa Dar Es Salam yatangaje ko Covid-19 yashize asaba abaturage...

Umuyobozi w’umujyi wa Dar es Salaam muri Tanzania, Paul Makonda, yasabye...
23 May 2020 Yasuwe: 1446 0

Abashakashatsi b’abahanga mu by’ubuvuzi bagaragaje ubwoko bw’urumogi bushobora...

Abashakashatsi b’abahanga mu by’ubuvuzi bavuga ko bateye intambwe nini mu...
23 May 2020 Yasuwe: 1563 0