addresiya
Kigali
startimes

Kenya:Polisi igiye gutangira kujya ifunga abantu batambaye udupfukamunwa

Amakuru   Yanditswe na: Dusingizimana Remy 15 April 2020 Yasuwe: 584

Polisi ya Kenya yatangaje ko igihe yari yarahaye abaturage kugira ngo babe babonye udupfukamunwa cyarangiye, kandi ko kuva kuri uyu wa gatatu igiye kujya ihagarika utakambaye.



Umukuru wa polisi Hillary Mutyambai avuga ko abanyaKenya bari bahawe umwanya uhagije wo gushaka utwo dupfukamunwa,bityo rero kuva ubu amategeko agiye gushyirwa mu ngiro.

Minisiteri y’Ubuzima iherutse kumenyesha ko umuntu uwo ari we wese uzafatirwa hanze atambaye ako gapfukamunwa azacibwa ihazabu y’amashilingi ya Kenya 20.000, cyangwa apungwe amezi atandatu.

Abakora ibikorwa byo kuvura abantu bari basabye leta ko yabaha utu dupfukamunwa, bavuga ko twabuze.

Ubu, agapfukamunwa kambarwa rimwe gusa kagurishwa ku mashilingi 100 ya kenya, mu gihe akambarwa n’abaganga kitwa N95 kagurishwa kugeza ku mashilingi 1,500 ya Kenya.

Leta yasohoye itegeko ry’uko uwo ari we wese uzaba ari mu bice bihuriramo abantu ategetswe kwambara ako gapfukamunwa, ndetse yasabye ama kompanyi atandukanye gufasha kugira ngo tuboneke ku bwinshi.

Minisiteri y’Ubuzima imaze iminsi yigisha abanya Kenya uko utwo dupfukamunwa twambarwa n’uko badukoresha kugira ngo ntibiyanduze.

Kuva icyorezo cya coronavirus cyakaza umurego ku isi, Ishami ry’umuryango w’abibumbye ryita ku buzima ryatangaje byinshi ku bijyanye no kwambara udupfukamunwa.

OMS/WHO, ivuga ko abantu babiri gusa aribo bategetswe kwambara udupfukamunwa n’ukuvuga abamaze kwandura n’abafite ibimenyetso, hamwe n’abafasha abo bantu bikekwa ko banduye coronavirus.

Uko icyorezo cya covid-19 gihagaze muri aka karere kugeza mu ijoro ry’ejo kuwa kabiri;
DR Congo - 241
Kenya - 216
Rwanda - 134
Uganda - 54
Tanzania - 53
Burundi - 5
Sudan y’Epfo - 4

Abayikize bariyongereye cyane muri Afurika

Mu minsi 10 ishize abari baranduye iki cyorezo muri Afurika bari 8,018 abo yari imaze kwica bari 339, imibare yombi yikubye kabiri muri rusange ugereranyije n’ubu.

Kugeza mu ijoro ry’ejo kuwa kabiri, abantu 15,738 nibo bari bamaze kumenyekana ko banduye iyi virus, muri bo 838 yarabishe naho 2,920 barayikize.

Iyi imibare itangazwa n’urwego rushinzwe kurwanya ibiza rw’Umuryango w’Ubumwe bwa Afurika.

Imibare y’abakira iyi ndwara igenda yiyongera cyane ku isi no muri Afurika.

Mu minsi 13 ishize abayikize ku isi bari 210,000 ubu bamaze kugera ku 484,000 nk’uko bivugwa na kaminuza ya Johns Hopkins.

Iyi mibare yikubye kabiri no muri Afurika kuko mu minsi 10 ishize bari 652 ubu bakaba bageze kuri 2,920 bayikize nk’uko bivugwa na ruriya rwego rw’Ubumwe bwa Africa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igikomangoma cy’Ububiligi cyanduriye Coronavirus mu birori cyitabiriye mu...

Igikomangoma cyo mu Bubiligi cyanduye coronavirus nyuma yo kwitabira...
31 May 2020 Yasuwe: 657 0

Intare ebyiri zateraniye umugore ushinzwe kurinda icyanya zibamo...

Mu gihugu cya Australia haravugwa inkuru ibabaje y’umurinzi w’icyanya kibamo...
30 May 2020 Yasuwe: 4430 0

Trump yahagaritse imikoranire ya Amerika na OMS ashinja kuba igikoresho...

Perezida Donald Trump wa Leta Zunze Ubumwe z’Amerika yatangaje ko...
30 May 2020 Yasuwe: 666 0

Burundi: Havuzwe impamvu itari Coronavirus yajyanye Denise Nkurunziza muri...

Umwe mu bakora mu biro bya perezida Nkurunziza uyobora u Burundi...
29 May 2020 Yasuwe: 5960 2

Ipusi yavutse ifite amasura 2 yapfuye nyuma y’iminsi 4 irwana intambara...

Biscuits na Gravy, igikundiro cy’ijangwe yavutse ifite amasura abiri,...
29 May 2020 Yasuwe: 2867 0

Umufasha wa Perezida Nkurunziza yafashe indege yerekeza muri Kenya nyuma yo...

Umufasha wa Perezida w’u Burundi, Madamu Denise Nkurunziza wafashe indege...
29 May 2020 Yasuwe: 3048 0